Markaðs- og menningarnefnd Fjallabyggðar

Nefndarmenn undirrituðu drengskaparheit um þagnarskyldu með vísan í 28. grein sveitarstjórnarlaga nr. 138/2011

Farið var yfir erindisbréf Markaðs- og menningarnefndar. Nefndin felur deildarstjóra fræðslu-, frístunda- og menningarmála að koma á framfæri tillögum að orðalagsbreytingum á erindisbréfi.

Fundir nefndarinnar verða mánaðarlega, fyrsta miðvikudag i hverjum mánuði kl. 17:00.

Undir þessum lið sat Aníta Elefsen safnstjóri Síldarminjasafns Íslands en hún er tengiliður Fjallabyggðar við Cruise Iceland og Cruise Europe.

Aníta kynnti fundarmönnum áætlun yfir komur skemmtiferðaskipa til Siglufjarðar árið 2018 og hvernig móttöku þeirra er háttað.

Undir þessum lið sat Aníta Elefsen safnstjóri Síldarminjasafns Íslands en hún situr í stýrihópi Norrænu strandmenningarhátíðarinnar. Síldaminjasafn Íslands er aðili að hátíðinni ásamt Fjallabyggð og Vitafélaginu.

Linda Lea Bogadóttir markaðs- og menningarfulltrúi og Aníta Elefsen fóru yfir stöðu undirbúnings fyrir Norrænu strandmenningarhátíðina sem haldin verður á Siglufirði í næstu viku. Hátíðin hefst miðvikudaginn 4. júlí kl. 17.00 með setningu og lýkur sunnudaginn 8. júlí. Hátíðarsvæðið verður við smábátahöfnina á Siglufirði. Dagskrá hátíðarinnar verður borin út í öll hús í Fjallabyggð, Skagafirði og á Dalvík í þessari viku.

Linda Lea Bogadóttir markaðs- og menningarfulltrúi kynnti undirbúning og skipulag fyrir Trilludaga 2018 fyrir nefndarmönnum.

Trilludagar verða haldnir 28. júlí nk. í þriðja sinn.

Linda Lea Bogadóttir markaðs- og menningarfulltrúi sagði fundarmönnum frá vinnu við gerð Ferðastefnu Fjallabyggðar. Stýrihópur hefur verið stofnaður til að endurskoða og ljúka þeirri vinnu sem hafin er.