Markaðs- og menningarnefnd Fjallabyggðar

Umfjöllun um stefnumótun fyrir Héraðsskjalasafn Fjallabyggðar er frestað til næsta fundar.

Undir þessum lið sat umsjónarmaður Tjarnarborgar og fór yfir gjaldskrá menningarhússins 2018. Gjaldskráin hefur verið einfölduð frá því sem verið hefur. Markaðs- og menningarnefnd samþykkir gjaldskránna fyrir sitt leyti og vísar henni til bæjarstjórnar til endanlegrar samþykktar.

Einnig vill nefndin þakka Kvenfélaginu Æskunni fyrir gjöf til Tjarnarborgar. Gjöfin er tvöfalt vöfflujárn.

Auglýst var eftir tilnefningu um bæjarlistamann í nóvember sl. Engin tilnefning barst á auglýstum tíma. Markaðs- og menningarnefnd samþykkir að tilnefna Sturlaug Kristjánsson sem Bæjarlistamann Fjallabyggðar 2018. Útnefning fer fram í Menningarhúsinu Tjarnarborg fimmtudaginn 25. janúar nk.

Markaðs- og menningarfulltrúi kynnti fyrirhugaðar hátíðir og hversu miklu fjármagni er gert ráð fyrir á fjárhagsáætlun fyrir 2018.

Erindi hefur borist frá Markaðs- og fræðslunefnd Slökkviliðs Ólafsfjarðar (MOFSÓ) þar sem óskað er eftir að gerður verði samningur til þriggja ára um framkvæmd 17.júní hátíðarhalda. Nefndin vísar erindinu til bæjarráðs.