Hafnarstjórn Fjallabyggðar

Hlusta

139. fundur 07. september 2023 kl. 16:15 - 17:30 í fjarfundi

Nefndarmenn

Tómas Atli Einarsson formaður, D lista
Guðmundur Gauti Sveinsson aðalmaður, D lista
Ægir Bergsson aðalmaður, A lista
Áslaug Inga Barðadóttir aðalmaður, A lista
Jón Valgeir Baldursson aðalmaður, H lista

Starfsmenn

Ármann Viðar Sigurðsson deildarstjóri tæknideildar
Friðþjófur Jónsson yfirhafnarvörður
Sigríður Ingvarsdóttir bæjarstjóri

Fundargerð ritaði: Ármann Viðar Sigurðsson deildarstjóri tæknideildar

1.Deiliskipulag hafnar og athafnasvæðis á Siglufirði

Málsnúmer 2111057 Vakta málsnúmer

Íris Stefánsdóttir, skipulagsfulltrúi, mætti á fundin og fór yfir uppfærða hugmynd um deiliskipulag hafnarsvæðis Siglufjarðar.

Hafnarstjórn samþykkir að drögin verði kynnt íbúum og hagsmunaaðilum, í samræmi við 3.mgr., 40.gr. skipulagslaga nr. 123/2010.

2.Aflatölur 2023

Málsnúmer 2301054 Vakta málsnúmer

Hafnarstjóri lagði fram og fór yfir tölur um landaðan afla með samanburði við fyrra ár. Á Siglufirði höfðu þann 6. september 8977 tonn borist á land í 956 löndunum, samtímatölur fyrra árs eru 8289 tonn í 1067 löndunum. Á Ólafsfirði höfðu 134 tonn borist á land í 121 löndunum, samtímatölur fyrra árs eru 160 tonn í 142 löndunum.

Til kynningar.

3.Yfirferð á flotbryggjum í Fjallabyggð

Málsnúmer 2309009 Vakta málsnúmer

Lagðar fram niðurstöður á yfirferð á flotbryggjum í Fjallabyggð sem unnin var af Köfunarþjónustunni.

Yfirhafnarverði, í samráði við deildarstjóra tæknideildar, falið að láta lagfæra flotbryggjur í þeirri forgangsröð sem lagt er til í niðurstöðum úttektar Köfunarþjónustunnar.