Hafnarstjórn Fjallabyggðar

Björn Halldórsson f.h. smábátasjómanna í Ólafsfirði óskaði eftir að opnunartími hafnarinnar yrði lengri yfir grásleppuvertíðina. Hafnarstjóri heimilaði lengri opnunartíma fyrir árið 2010. Hafnarstjórn samþykkir erindið.

Hafnarstjórn felur hafnarstjóra og formanni hafnarstjórnar að eiga viðræður sem fyrst við forsvarsmenn Rauðku ehf. og Síldarminjasafns Íslands um væntanlega smábátaaðstöðu austan við Síldarminjasafnið.

Siglingastofnun Íslands sendi upplýsingar til hafnarstjórna að við gerð nýrrar samgönguáætlunar 2011-2014 verði núverandi tillaga að samgönguáætlun 2009-2012 endurskoðuð og við hana bætt áætlun um það sem framkvæma á  á árunum 2013 og 2014. Umsóknir um ríkisframlög á næsta áætlunartímabili skal senda til Siglingastofnunar fyrir 1. ágúst 2010.

Eftirtöldum liðum skal svarað:

• Umsókn um framlag til nýrra verkefna í hafnargerð
• Staðfesta skal eldri verkefni
• Frumrannsóknir
• Sjóvarnir

Hafnarstjórn felur hafnarstjóra og yfirhafnarverði að gera framkvæmdaáætlun og leggja fyrir hafnarstjórn til samþykktar.

Hafnarstjórn samþykkir fyrir sitt leyti umsókn Rauðku hf. um rekstrarleyfi fyrir Hannes Boy Cafè/Þjónustumiðstöð Rauðku, er varðar staðsetningu svo framarlega sem starfsemin truflar ekki hafnsækna starfsemi.

Hafnarstjórn telur brýnt að fundin verði lausn á fráveitumálum við rækjuverksmiðjuna í Siglufjarðarhöfn.

Fyrir hafnarstjórn liggur umsögn Hafnasambands Íslands að frumvarpi um breytingar á hafnalögum - aflagjaldi. Lagt fram til kynningar.

Ársreikningur og fundargerð 327. fundar Hafnasambands Íslands lögð fram til kynningar.

Fyrir hafnarstjórn lágu samandregnar niðurstöður úr könnun BREA & Peter Wild á meðal farþega og áhafna á skemmtiferðaskipum sumarið 2009. Lagt fram til kynningar.