Fræðslu- og frístundanefnd Fjallabyggðar

Undir þessum lið sat Haukur Sigurðsson forstöðumaður íþróttamannvirkja. Forstöðumaður lagði fram til kynningar fyrirhugaðan opnunartíma íþróttamiðstöðvar um páska 2021.Opnunartíminn verður auglýstur á vef Fjallabyggðar.

Undir þessum lið sátu Erla Gunnlaugsdóttir skólastjóri Grunnskóla Fjallabyggðar og Brynhildur R. Vilhjálmsdóttir fulltrúi kennara skólans ásamt fulltrúum leikskólans, Olgu Gísladóttur skólastjóra og Fanneyju Jónsdóttur fulltrúa starfsmanna.
Drög að skóladagatölum leik- og grunnskóla fyrir skólaárið 2021-2022 lögð fram til kynningar. Lögð er áhersla á að haustfrí, vetrarfrí og skipulagsdagar séu samræmdir með skólum Dalvíkurbyggðar með skipulag skólastarfs Tónlistarskólans á Tröllaskaga í huga. Stefnt er að því að leggja lokaútgáfu skóladagatala fyrir nefndina í apríl.

Undir þessum lið sátu fulltrúar leikskólans, Olga Gísladóttir skólastjóri og Fanney Jónsdóttir fulltrúi starfsmanna.
Skólastjóri kynnti fyrirhugað þróunarstarf í leikskólanum í samstarfi við Ásgarð ehf. Lögð er áhersla á samstarf við grunnskólann en þróunarverkefnið í leikskólanum er í beinu framhaldi af því þróunarstarfi sem verið hefur í grunnskólanum síðustu tvö skólaár.

Undir þessum lið sátu fulltrúar leikskólans, Olga Gísladóttir skólastjóri og Fanney Jónsdóttir fulltrúi starfsmanna.
Skólastjóri kynnti Vináttu, forvarnaverkefni Barnaheilla gegn einelti ætlað leikskólum, fyrstu bekkjum grunnskóla, frístundaheimilum og dagforeldrum. Verkefnið felst í útgáfu námsefnis sem ætlað er börnum, foreldrum þeirra og starfsfólki. Leikskóli Fjallabyggðar hefur hafið þátttöku í þessu verkefni og lofar það góðu. Verkefnið má kynna sér á slóðinni https://www.barnaheill.is/is/forvarnir/vinatta