Fræðslu- og frístundanefnd Fjallabyggðar

Undir þessum lið sátu Olga Gísladóttir skólastjóri Leikskóla Fjallabyggðar og Fanney Jónsdóttir fulltrúi starfsmanna. Starfsáætlun Leikskóla Fjallabyggðar lögð fram til kynningar.

Deildarstjóri fræðslu-, frístunda- og menningarmála kynnti starfsemi félagsmiðstöðvarinnar Neon fyrir fundarmönnum. Starfið hófst 16. september síðastliðinn. Félagsmiðstöðin er opin tvö kvöld í viku, miðvikudaga og föstudaga í húsnæði að Lækjargötu 8 Siglufirði. Umsjónarmaður Neons er Karen Sif Róbertsdóttir.

Stofnaður hefur verið samráðsvettvangur stjórnenda skólastofnana í Fjallabyggð. Þar eiga sæti stjórnendur Menntaskólans á Tröllaskaga, Grunnskóla Fjallabyggðar, Leikskóla Fjallabyggðar og Tónlistarskólans á Tröllaskaga ásamt bæjarstjóra og deildarstjóra fræðslu-, frístunda- og menningarmála. Áætlað er að fundir verði reglulegir 4-5 sinnum yfir skólaárið. Fundargerðir lagðar fram til kynningar. Fræðslu- og frístundanefnd fagnar stofnun þessa samráðsvettvangs.

Fræðslu- og frístundarnefnd óskar Menntaskólanum á Tröllaskaga til hamingju með tilnefningu til Íslensku menntaverðlaunanna 2020 en skólinn er tilnefndur til verðlauna í flokknum Framúrskarandi skólastarf eða menntaumbætur.