Fræðslu- og frístundanefnd Fjallabyggðar

Haukur Sigurðsson forstöðumaður íþróttamannvirkja sat undir þessum dagskrárlið. Fulltrúar frá AVH arkitektúr - verkfræði - hönnun voru gestir fundarins og kynntu tillögur að viðbyggingu við íþróttamiðstöð Fjallabyggðar á Siglufirði. Viðbyggingin mun bæta aðgengi að íþróttahúsi, sundlaug og líkamsrækt þannig að eftir breytingar verði aðgengi fyrir alla.

Haukur Sigurðsson forstöðumaður íþróttamannvirkja sat undir þessum dagskrárlið.
Forstöðumaður fór yfir tillögu að vetraropnun íþróttamiðstöðvar Fjallabyggðar.
Vetraropnun verður auglýst.

Undir þessum lið sátu Olga Gísladóttir skólastjóri leikskólans og Fanney Jónsdóttir fulltrúi starfsmanna.
Skólastjóri kynnti starfsáætlun Leikskóla Fjallabyggðar fyrir skólaárið 2019-2020.

Deildarstjóri fræðslu-, frístunda- og menningarmála fór yfir fyrirhugað starf í félagsmiðsstöðinni í vetur. Verið er að auglýsa eftir umsjónarmanni og leiðbeinendum. Starfið í vetur verður með svipuðu sniði og undanfarin ár. Opið verður tvö kvöld í viku. Stefnt er að því að starf félagsmiðstöðvarinnar hefjist í vikunni 16. - 20. september.