Félagsmálanefnd Fjallabyggðar

Lagt fram rekstraryfirlit félagsmáladeildar fyrir tímabilið janúar til ágúst 2016. Rauntölur; 54.780.550 kr. Áætlun; 63.641.450 kr. Rekstrarniðurstaða félagsþjónustu er 8.860.900 kr. betri en tímabilsáætlun gerir ráð fyrir.

Fundargerðir starfshóps um úthlutun leiguíbúða dags. 29.06., 06.07. og 11.10.2016 lagðar fram.

Tillaga að gjaldskrá félagsþjónustu 2017 lögð fram til kynningar.

Þjónustuhópur í málefnum fatlaðra hjá Dalvíkurbyggð og Fjallabyggð auglýsir eftir umsóknum um styrki vegna námskostnaðar eða verkfæra- og tækjakaupa fatlaðra,skv. 27.gr. laga nr. 59/1992 um málefni fatlaðra. Umsóknarfrestur er til 31.október 2016.

Lögð fram tillaga að reglum um ferðaþjónustu fyrir fatlað fólk. Reglurnar verða teknar til frekari umræðu á næsta fundi nefndarinnar.

Stefnt er að kynningarfundi Íbúðalánasjóðs og Sambands sveitarfélaga í fyrstu viku nóvember. Kynningarfundurinn verður fyrir fulltrúa Fjallabyggðar og Dalvíkurbyggðar.

Lagt er til að stofnað verði sérstakt öldungaráð í Fjallabyggð.
Hlutverk ráðsins er að vera bæjarstjórn til ráðgjafar um málefni og hagsmuni bæjarbúa 67 ára og eldri. Ráðið á að stuðla að upplýsingagjöf og samstarfi, móta stefnu og gera tillögur til bæjaryfirvalda.
Lagt er til að öldungaráðið verði skipað fulltrúum frá félögum eldri borgara á Ólafsfirði og Siglufirði auk fulltrúa sem bæjarstjórn Fjallabyggðar tilnefnir.
Félagsmálanefnd samþykkir tillöguna fyrir sitt leyti.