Félagsmálanefnd Fjallabyggðar

61. fundur 19. janúar 2012 kl. 15:30 - 15:30 í ráðhúsinu á Siglufirði

Nefndarmenn

Rögnvaldur Ingólfsson formaður
Margrét Ósk Harðardóttir aðalmaður
Margrét Guðmundsdóttir aðalmaður
Guðrún Unnsteinsdóttir aðalmaður
Guðrún Árnadóttir aðalmaður
Hjörtur Hjartarson félagsmálastjóri
Hrefna Katrín Svavarsdóttir starfsmaður félagsþjónustu
Helga Helgadóttir starfsmaður félagsþjónustu

Fundargerð ritaði: Hjörtur Hjartarson félagsmálastjóri

1.Tillögur að breytingum á reglum um fjárhagsaðstoð

Málsnúmer 1201050 Vakta málsnúmer

Lagðar fram tillögur að breytingum á reglum um fjárhagsaðstoð á vegum Fjallabyggðar. Breytingarnar varða greinar nr. 3, 4, 8, 13 og 14. Félagsmálanefnd samþykkir tillögurnar fyrir sitt leyti.

2.Skynörvunarherbergi

Málsnúmer 1110059 Vakta málsnúmer

Lögð fram greinargerð um svokallað skynörvunarherbergi í húsnæði Iðju dagvistar. Um er að ræða sérútbúna aðstöðu til að þjálfa og örva heyrn, sjón og snertiskynjun. Fötluðu fólki í Fjallabyggð og nágrenni ásamt fötluðum börnum í grunn- og leikskóla Fjallabyggðar mun standa til boða að nýta sér þessa einstöku þjálfunaraðstöðu. Kostnaður við búnaðinn er að mest leyti fjarmagnaður með áheitafé sem safnaðist þegar Þórir Kristinn Þórisson, fyrrverandi bæjarstjóri Fjallabyggðar hjólaði frá Reykjavík til Siglufjarðar s.l. sumar til styrktar Iðju dagvist fatlaðra.
Kiwanisklúbburinn Skjöldur á Siglufirði hefur boðist til að taka að sér að koma búnaðinum fyrir.
Félagsmálanefnd fagnar þessu merka framtaki og vill færa Þóri Kr. Þórissyni bestu þakkir fyrir sitt merka framtak og sömuleiðis eru kiwanismönnum færðar bestu þakkir fyrir aðstoðina. Stefnt er að því að aðstaðan verði komin í gagnið 2. febrúar n.k. á 20 ára afmælisdegi Iðjunnar.

3.Matsblað vegna forgangsröðunar umsókna eftir félagslegu leiguhúsnæði í Fjallabyggð

Málsnúmer 1201062 Vakta málsnúmer

Lögð fram tillaga að breytingum á matsblaði sem lagt er til grundvallar við forgangsröðun um úthlutun félagslegra leiguíbúða í eigu Fjallabyggðar, sbr. 20. gr. reglna um úthlutun leiguíbúða Fjallabyggðar.
Félagsmálanefnd samþykkir breytingar á matsblaðinu fyrir sitt leyti.

4.Rekstur leiguíbúða, tekju- og eignamörk 2012

Málsnúmer 1201033 Vakta málsnúmer

Erindi frá Velferðarráðuneytinu þar sem mælt er fyrir um tekju- og eignamörk í samræmi við reglugerð nr. 873/2001. Frá og með 1. janúar 2011 eru uppreiknuð tekju- og eignamörk skv. 23. og 24. gr. reglugerðarinnar eftirfarandi:
Tekjur fyrir einstakling kr. 3.894.000.
Tekjur fyrir hvert barn að 20 ára aldri sem býr á heimilinu kr. 652.000.
Tekjur fyrir hjón og sambúðarfólk kr. 5.179.000.
Eignamörk kr. 4.203.000.

5.Útreikningur húsaleigubóta 2012

Málsnúmer 1201032 Vakta málsnúmer

Erindi frá Velferðarráðuneytinu þar sem er tilkynnt er að uppreiknuð viðmiðunarfjárhæð vegna eignamarka við útreikning húsaleigubóta er kr. 6.383.000. Húsaleigubætur skerðast um 1% af árstekjum umfram 2,25 millj. kr. í stað 2 millj. kr. áður.