Félagsmálanefnd Fjallabyggðar

Félagsmálanefnd samþykkir að fela starfsmönnum félagsþjónustunnar að útbúa kynningar- og upplýsingabækling fyrir öldrunarþjónustu sveitarfélagsins.

Félagsmálastjóri upplýsti nefndina um stöðu mála varðandi aðkeypta þjónustu frá eldhúsi Heilbrigðisstofnunar Fjallabyggðar vegna dagvistar aldraðra í Skálarhlíð og heimsendingu matar.  Í ljósi þess að HSF hefur sagt upp samkomulagi um matarþjónustuna er félagsmálastjóra falið að gera verðkönnun meðal þjónustuaðila í Fjallabyggð, sem eru til þess bærir að veita þessa þjónustu.  Áætlaður kostnaður er undir þeim mörkum sem kveðið er á um sem útboðsskyld þjónusta í innkaupareglum Fjallabyggðar.

Fyrir liggur bréf frá velferðarráðherra þar sem þeim tilmælum er beint til sveitarstjórna að hækka grunnfjárhæð framfærsluaðstoðar til samræmis við atvinnuleysisbætur.  Afgreiðslu málsins frestað til næsta reglulega fundar nefndarinnar.

Umsókn samþykkt.

Umsókn samþykkt.

Velferðarráðuneytið tilkynnir að frá og með 1. janúar 2011 er uppreiknuð viðmiðunarfjárhæð vegna eignamarka við útreikning húsaleigubóta kr. 6.063.975.

Lagt fram til kynningar bréf Varasjóðs húsnæðismála dags. 21. desember 2010 um samkomulag um framlög til Varasjóðs húsnæðismála.

Lagt fram erindi frá Velferðarráðuneytinu um ný tekju og eignamörk við lánveitingar til leiguíbúða.  Viðmiðunarmörk 16. gr. reglna sveitarfélagsins um úthlutun leiguíbúða uppfærist í samræmi við tilkynningu ráðuneytisins.

Tekin hefur verið í gagnið heimasíða fyrir dagþjónustu aldraðra í Skálarhlíð.  Á heimasíðunni er að finna upplýsingar um starfsemi dagþjónustunnar og Skálarhlíðar.  Slóðin á heimasíðuna er http://dag.fjallabyggd.is/

Lagt fram til kynningar.