Bæjarráð Fjallabyggðar

Ríkey Sigurbjörnsdóttir deildarstjóri fræðslu-, frístunda- og menningarmála mætti á fund bæjarráðs.

Bæjarráð samþykkir samhljóða að fastráða Ríkeyju Sigurbjörnsdóttur í starf deildarstjóra fræðslu-, frístunda- og menningarmála.

Niðurstaða færð í trúnaðarbók.

Undir þessum lið sat Ríkey Sigurbjörnsdóttir deildarstjóri fræðslu-, frístunda- og menningarmála.

Tekið fyrir minnisblað deildarstjóra fræðslu-, frístunda- og menningarmála vegna gæslu í skólabíl Grunnskóla Fjallabyggðar. Skólastjóri telur nauðsynlegt að ráðinn verði rútuliði í 50% starf sem sinni gæslu á tímabilinu 12:40-16:15.

Bæjarráð samþykkir beiðni skólastjóra og felur deildarstjóra fræðslu-, frístunda- og menningarmála og skólastjóra að undirbúa ráðningu rútuliða. Áætlaður kostnaður er 350.000 kr. og er vísað til viðauka við fjárhagsáætlun fyrir árið 2017.

Tekin fyrir umsókn Blakfélags Fjallabyggðar um frí afnot af Íþróttamiðstöð Fjallabyggðar á Siglufirði dagana 3.-5. nóvember vegna Íslandsmóts í blaki.

Bæjarráð samþykkir beiðni Blakfélags Fjallabyggðar og vísar kostnaði til viðauka við fjárhagsáætlun fyrir árið 2017.

Niðurstaða færð í trúnaðarbók.

Á bæjarráðsfundi þann 24. október sl. var tekið fyrir erindi frá Steingrími Kristinssyni, íbúa í Skálarhlíð, varðandi reykskynjara í Skálarhlíð.

Lögð fram umsögn slökkviliðsstjóra Fjallabyggðar. Bæjarráð felur deildarstjóra félagsmáladeildar að kanna hversu mikil þörf er á hljóðgjöfum sem staðsettir væru innan íbúðar.

Tekin fyrir styrkbeiðni frá Stígamótum fyrir árið 2018.

Bæjarráð samþykkir að vísa styrkbeiðninni til umræðu við fjárhagsáætlun fyrir árið 2018.

Tekin fyrir styrkbeiðni frá Kvennaathvarfinu fyrir árið 2018.

Bæjarráð samþykkir að vísa styrkbeiðninni til umræðu við fjárhagsáætlun fyrir árið 2018.

Lögð fram áfangaskýrsla frá Flugklasanum Air 66N.

Einnig er beðið um svar við beiðni Flugklasans um áframhaldandi styrk. Bæjarráð samþykkti í mars sl. að vísa erindinu til gerðar fjárhagsáætlunar fyrir árið 2018. Svar mun berast klasanum þegar ákvörðun liggur fyrir.

Lagt fram hvatningarbréf frá Menntamálastofnun þar sem minnt er á Daginn gegn einelti, þann 8. nóvember. Óskað er eftir upplýsingum frá skólum landsins um hvað verði gert í tilefni dagsins.

Bæjarráð vísar erindinu til deildarstjóra fræðslu-, frístunda- og menningarmála.

Lögð fram drög að lóðarleigusamningi um lóðina Bakkabyggð 2 við Elís Hólm Þórðarson og Huldu Teitsdóttur.

Bæjarráð samþykkir lóðarleigusamninginn fyrir sitt leyti.

Lagt fram aðalfundarboð frá Eyþingi. Aðalfundurinn verður haldinn á Siglufirði dagana 10.-11. nóvember. Aðalfundarfulltrúar Fjallabyggðar eru:

Gunnar I. Birgisson, Hilmar Þór Elefsen, S. Guðrún Hauksdóttir og Steinunn María Sveinsdóttir.

Lagðar fram til kynningar fundargerðir yfirkjörstjórnar frá 17. og 24. október, og fundargerð undirkjörstjórnar á Siglufirði frá 23. október 2017.