Bæjarráð Fjallabyggðar

Erindi frestað til næsta fundar.

Lagt fram minnisblað frá Heilbrigðiseftirliti Norðurlands vestra þar sem málið er rakið og mun eftirlitið leggja það til við Umhverfisstofnun að kanna nánar hvort meira beri á sjónmengun þegar verið er að vinna skel frá rækjuverksmiðjunni á Siglufirði en þegar verið er að vinna skel sem kemur annars staðar að.

Lögð fram umsögn deildarstjóra tæknideildar vegna erindis eiganda jarðanna Þverár og Kvíabekkjar í Ólafsfirði.

Bæjarráð bendir á, að landeiganda ber að viðhalda og tryggja að girðingar standist reglugerð um girðingar.

Lagt fram fundarboð frá Landsneti. Fundur Landsnets með fulltrúum sveitarstjórna á Eyjafjarðarsvæðinu verður haldinn á Icelandair hótelinu á Akureyri mánudaginn 18. september nk. kl. 11-13.

Bæjarráð samþykkir að bæjarstjóri, formaður bæjarráðs, varaformaður bæjarráðs og deildarstjóri tæknideildar sæki fundinn.

Lagt fram erindi frá sr. Vigfúsi Þór Árnasyni þar sem kynntar eru hugmyndir um gerð styttu af Gústa guðsmanni og staðsetningu hennar á Siglufirði.

Bæjarráð bendir undirrituðum á að senda inn formlegt erindi til skipulags- og umhverfisnefndar vegna staðsetningar og gerðar styttunnar.

Lagt fram erindi frá Greiðri leið ehf. varðandi hlutafjáraukningu í félaginu. Óskað er eftir því að Fjallabyggð nýti forkaupsrétt sinn sem nemur 0,32% eða 47.111 kr.

Bæjarráð samþykkir hlutafjáraukninguna.

Lagt fram erindi frá Fiskbúð Fjallabyggðar, Kjörbúðinni og Torginu þar sem óskað er eftir því að fá að setja upp hoppukastala á torginu laugardaginn 5. ágúst og sunnudaginn 6. ágúst nk. kl. 12-17.

Bæjarráð samþykkir erindið og að á sama tíma verði Aðalgatan lokuð milli Túngötu og Lækjargötu.