Bæjarráð Fjallabyggðar

Róbert Grétar Gunnarsson deildarstjóri fræðslu- frístunda og menningarmála og Linda Lea Bogadóttir markaðs- og menningarfulltrúi sitja fundinn undir þessum dagskrárlið.

Vakin er athygli á frétt mennta- og menningarmálaráðuneytis, dagsett 6. mars 2017 þar sem fjallað er um nýja reglugerð um fyrirkomulag og framkvæmd samræmdra könnunarprófa.

Menntamálaráðuneytið leggur áherslu á að sveitastjórnir sjái til þess að framvegis fái allir nemendur þann lágmarks kennslumínútnafjölda á skólaári sem þeim ber samkvæmt aðalnámskrá grunnskóla frá 2011 og vísast í því sambandi til ákvæða 5. gr. laga um grunnskóla nr. 91/2008 um ábyrgð sveitarfélaga á skólahaldi í grunnskólum.

Fulltrúum sveitarfélagsins er boðið að taka þátt í málþingi sem ber heitið Vestfirska vorið en það verður haldið á Flateyri dagana 5. og 6. maí nk.

Lagt fram þakkarbréf frá Blakfélagi Fjallabyggðar vegna Siglómótsins sem haldið var í febrúar, einnig ósk um að merkja búninga félagins með merki Fjallabyggðar.

Lagt fram erindi frá Hestamannafélaginu Gnýfara þar sem óskað er eftir heimild til að fá að laga forna reiðleið um Tröllaskaga.

Lagt fram fundarboð um aðalfund Lánasjóðs Sveitarfélaga vegna ársins 2016.

Lagt fram fundarboð um málefni þjóðlendna sem haldin verður 1.júní nk.

Allsherjar- og menntamálanefnd Alþingis sendir til umsagnar frumvarp til laga um breytingu á lögum um verslun með áfengi og tóbak o.fl. (smásala áfengis), 106. mál.

Þess er óskað að undirrituð umsögn berist eigi síðar en 17. mars.