Bæjarráð Fjallabyggðar

Lagt fram minnisblað formanns markaðs- og menningarnefndar og deildarstjóra fræðslu-, frístunda- og menningarmála um hátíðir í Fjallabyggð. Nefndin leggur til við bæjarráð að hátíðir verði styrktar sem hér segir:
Berjadagar: 500.000 kr.
Blúshátíð: 600.000 kr.
Síldarævintýri: 2.750.000 kr.
Sjómannadagshátíð: 200.000 kr. til viðbótar við áður úthlutaðann styrk að upphæð 600.000 kr.
Þjóðlagahátíð: 800.000 kr.
Nefndin setur fyrirvara á úthlutun til Síldarævintýrisins vegna stöðu mála og ekki hafi enn tekist að manna nýja stjórn.

Á 128. fundi bæjarstjórnar var þessum dagskrárlið vísað til endalegrar afgreiðslu bæjarráðs.

Bæjarráð samþykkir tillögur markaðs- og menningarnefndar.

Undir þessum dagskrárlið vék Steinunn María Sveinsdóttir af fundi.

Bæjarstjórn samþykkti með 6 atkvæðum að hafna styrkbeiðni.

Bæjarráð felur bæjarstjóra að innheimta leigugjaldið.

128. fundur bæjarstjórnar samþykkti samhljóða með 7 atkvæðum að vísa þessum dagskrárlið til fullnaðar afgreiðslu bæjarráðs.

Samkvæmt gjaldskrá Tjarnarborgar þá er ekki innheimt leiga vegna notkunar á húsinu í tengslum við sjómannadaginn.

Lögð fram til kynningar ársskýrsla Slökkviliðs Fjallabyggðar 2015.

Lagt fram yfirlit yfir staðgreiðslu á tímabilinu 1. janúar til 29. febrúar.

Bókfærð upphæð er 0,5% lægri en tímabilsáætlun gerir ráð fyrir.

Lagt fram mánaðarlegt launayfirlit fyrir janúar 2016.

Niðurstaðan fyrir heildina er 164,5 m.kr. sem er 98,2% af áætlun tímabilsins sem var 167,5 m.kr.
Sumar deildir eru yfir áætlun tímabilsins samtals um 3,7 m.kr. á móti öðrum deildum sem eru undir áætlun, samtals um 6,7 m.kr.
Nettóniðurstaða er því 3,0 m.kr. undir áætlun tímabilsins.

Lagt fram minnisblað deildarstjóra tæknideildar þar sem óskað er eftir heimild bæjarráðs til þess að bjóða út í lokuðu útboði, til eftirtalinna aðila: Bás ehf, Árni Helgason ehf og Smári ehf, verkið "Siglufjörður fráveita 2016. Yfirfalls- og dælubrunnur við Aðalgötu. Útrás neðan Aðalgötu. Yfirfalls og dælubrunnur við Norðurtún".

Einnig óskað eftir heimild bæjarráðs til þess að bjóða út verkið "Fjallabyggð fráveita 2016. Vél-, raf og stjórnbúnaður skolpdælubrunna" í opnu útboði.
Útboðin yrðu auglýst 20. mars og opnuð 12. apríl.

Bæjarráð samþykkir erindið.

Samband íslenskra sveitarfélaga býður sveitarstjórnarmönnum upp á námsferð til Svíþjóðar 29. ágúst til 1. september nk. til að kynna sér íbúalýðræði í sænskum sveitarfélögum, en þau standa mjög framarlega á því sviði í Evrópu og þótt víðar væri leitað.

Lagt fram til kynningar.

Lagt fram erindi Sverris Sveinssonar þar sem Fjallabyggð er hvatt til þess að taka undir stjórnarsamþykkt Landsambands smábátaeigenda frá 7. mars 2016. Þar sem skorað er á stjórnvöld til þess að auka þorskkvóta á næsta fiskveiðiári um 30 þ. tonn og af því færu 2 þ. tonn til strandveiða.

Bæjarráð tekur undir áskorun Landsambands smábátaeigenda.

Björgunarsveitin Strákar, Siglufirði óskar eftir niðurfellingu á gjöldum vegna stöðuleyfis gáma.

Erindi frestað.

Umhverfissjóður Íslenskra Fjallaleiðsögumanna veitir styrki á tveggja ára fresti. Fyrirtæki, einstaklingar, eignarhaldsfélög, félagasamtök, sveitarfélög og opinberar stofnanir geta fengið framlög frá sjóðnum. Umsóknaraðilar geta einnig verið samstarf nokkurra aðila. Umsóknafrestur rennur út 10. april 2016.

Bæjarráð felur deildarstjóra fræðslu-, frístunda- og menningarmála að kanna möguleika á styrkveitingum úr sjóðnum. Einnig að koma upplýsingum um málið á heimasíðu Fjallabyggðar.

Lagt fram til kynningar minnisblað frá Sambandi íslenskra sveitarfélaga með ábendingum um frumvarp um farþegaflutninga á landi í atvinnuskyni.

Lagt fram til kynningar.

Norðurorka áætlar að skipta út hemlum yfir í mæla hjá viðskiptavinum sínum á Ólafsfirði. Á þetta við um atvinnuhúsnæði, en til lengri framtíðar er síðan horft til þess að skipt verði úr hemlum yfir í mæla í öllum húsum á Ólafsfirði.

Lagt fram til kynningar

Velferðarnefnd Alþingis sendir til umsagnar tillögu til þingsályktunar um skilyrðislausa grunnframfærslu (borgaralaun), 354. mál.

Lagt fram til kynningar.

Lagt fram til kynningar minnisblað frá Sambandi íslenskra sveitarfélaga um stöðu samningaviðræðna um daggjöld hjúkrunarheimila við Sjúkratryggingar Íslands.

Velferðarnefnd Alþingis sendir til umsagnar frumvarp til laga um málefni aldraðra (réttur til sambúðar á stofnunum), 352. mál.

Þess er óskað að undirrituð umsögn berist eigi síðar en 1. apríl nk. á netfangið nefndasvid@althingi.is

Ef engar athugasemdir eru þarf ekki að senda sérstaka tilkynningu þess efnis.

Þingskjalið er hægt að sækja á vef Alþingis: http://www.althingi.is/altext/145/s/0452.html

Lagt fram til kynningar.

Ráðstefnan Enginn er eyland verður haldin í Háskólanum á Akureyri 19. mars.
Allar frekari upplýsingar um ráðstefnuna ef að finna á heimasíðu AkureyrarAkademíunnar: akak.is

Lagt fram til kynningar.

Eftirfarandi fundargerð lögð fram til kynningar.

25. fundur Fræðslu- og frístundanefndar Fjallabyggðar 10. mars 2016.

Eftirfarandi fundargerð lögð fram til kynningar.

2. fundur sjtórnar Hornbrekku 2. mars 2016.