Bæjarráð Fjallabyggðar

Til Sýslumannsins á Siglufirði hefur leitað Már Örlygsson, kt.101275 -5239 og óskað eftir útgáfu rekstrarleyfis á grundvelli 11. gr. laga nr.85/2007, um veitingastaði, gististaði og skemmtanahald, vegna reksturs gististaðar að Hafnargötu 6, Siglufirði.

Sótt er um nýtt rekstrarleyfi gististaðar skv. I. flokki 3.gr. laganna, en nánar tiltekið er um að ræða gistingu í íbúðum án veitinga.
Með vísan til 10. gr. laga nr. 85/2007, óskar sýslumaður eftir umsögn Fjallabyggðar um umsóknina.

Bæjarráð gerir ekki athugasemdir við framlagða umsókn.

Lögð fram samantekt frá Þorsteini Þorsteinssyni frá KPMG endurskoðun og frá Valtý Sigurðssyni formanni stjórnar Leyningsáss, er varðar framsetningu á síðasta ársreikningi Leyningsáss.

Bæjarráð þakkar framkomnar ábendingar og felur bæjarstjóra að koma þeim til stjórnar Leyningsáss.

Bæjarráð samþykkir fyrirliggjandi tíma- og kostnaðaráætlun vegna útboðs á vátryggingum fyrir Fjallabyggð og felur Ríkiskaupum að taka verkefnið að sér.

Lagt fram minnisblað er varðar afnotasamning Siglufjarðarkaupstaðar við Flugmálastjórn Íslands dags. 18. júní 1982.

Bæjarstjóri óskar eftir umboði bæjarráðs til að Valtýr Sigurðsson hrl. taki þátt í viðræðum f.h. bæjarfélagsins við Isavia ohf um framtíð flugvallar á Siglufirði.
Bæjarráð samþykkir beiðni bæjarstjóra.

Lagðar fram upplýsingar um rekstur bæjarfélagsins fyrstu átta mánuði ársins.
Rekstrarniðurstaða tímabils er 28,6 milljónum betri en tímabilsáætlun gerir ráð fyrir, -74,8 millj. miðað við -46,2 millj.
Tekjur eru 25,3 millj. hærri en áætlun, gjöld 13,4 millj. hærri og fjárm.liðir 16,7 millj. hærri.

Ráðstefna á vegum Öryrkjabandalags Íslands verður haldin fimmtudaginn 13. nóvember 2014 á Grand Hótel í Reykjavík.
Á ráðstefnunni verður kynnt ný framtíðarsýn bandalagsins og hvernig hún tengist samningi Sameinuðu þjóðanna um réttindi fatlaðs fólks.

Bæjarráð hvetur starfsfólk félagsþjónustunnar og fulltrúa félagsmálanefndar að sækja umrædda ráðstefnu.

Lagt fram til kynningar minnisblað skólastjóra m.a. vegna óánægju skólaliða á breytingum á störfum sínum á árinu 2014.
Fundurinn var haldinn 16. september 2014 með skólastjórnendum, bæjarstjóra, formanni bæjarráðs og formönnum stéttarfélaga.
Niðurstaða fundarins var að vísa endurmati á störfum skólaliða til kjarasviðs Sambands íslenskra sveitarfélaga.

Bæjarráð tekur undir framkomna niðurstöðu.

Lagður fram til kynningar samningur við Hestamannafélagið Glæsi frá 23. september 2013, um bætur vegna innköllunar á 10,8 hektara svæðis sem Glæsir hafði samkvæmt samningi dags. 25. maí 2009.

Bæjarráð vísar samningnum til gerðar fjárhagsáætlunar.

Lagt fram til kynningar.
Bæjarráð Fjallabyggðar fagnar öllum góðum tillögum að eflingu heilbrigðisþjónustu, menntakerfis og velferðarþjónustu.

Bæjarráð leggur þunga áherslu á að heilbrigðis- og velferðarþjónusta verði ekki skert í Fjallabyggð.

Bæjarráð leggur einnig áherslu á að Menntaskólinn á Tröllaskaga haldi sínum nemendaígildum og að fallið verði frá hugmyndum um aldurstakmörk.

Lagt fram bréf frá þjónustustjóra Vegagerðar dags. 15.09.2014. Þar kemur fram að búið er að ákveða að Vegagerðin sjái sjálf um vetrarþjónustu á þjóðvegum í þéttbýli í sveitarfélaginu til framtíðar.
Um er að ræða að sinna vetrarþjónustu í samræmi við sumarþjónustu. Fram kemur að hægt er að semja við verktaka um þjónustuna náist samkomulag um verð og fleira, eins og það er orðað.

Bæjarráð felur bæjarstjóra að fá nánari skýringar á fyrirhugaðri vetrarþjónustu er varðar snjómokstur í Fjallabyggð.

Lagður fram áætlunarútreikningur fyrir fasteignagjöld fyrir árið 2015. Þar kemur fram að hækkunin muni verða um 6,9% eða um 19,8 m.kr.
Á næsta fundi verða tekjustofnar bæjarfélagsins lagðir fram til umræðu, ásamt greinargerð bæjarstjóra er varðar ramma að áætlun ársins.

Lögð fram fundargerð fagráðs fráveitusviðs Samorku frá 22.08.2014.

Fráveitumál bæjarfélagsins verða til umfjöllunar við fjárhagsáætlunargerð.
Ljóst er að um verulegar upphæðir er að ræða til að koma þeim í viðunandi horf.
Fram hefur komið í bæjarráði að verið er að vinna áætlun fyrir Ólafsfjörð, en áætlun fyrir Siglufjörð liggur fyrir.