Bæjarráð Fjallabyggðar

Ársfundur Jöfnunarsjóðs sveitarfélaga verður haldinn í Reykjavík miðvikudaginn 8. október nk.
Bæjarstjóri mun sækja fundinn f.h. Fjallabyggðar.

Dagana 7.- 9. nóvember fer fram Íslandsmót í blaki undir merkjum Glóa hér í Fjallabyggð.
Um er að ræða mót í 3.deild - 5.deild kvenna, um 25 lið taka þátt í mótinu.
Bæjarráð samþykkir notkun á íþróttahúsinu á Siglufirði umrædda daga og veitir félaginu styrk sem nemur leigu á húsnæðinu.

Bæjarráð samþykkir að óska eftir fjarfundi með fjárlaganefnd 15. október.
Bæjarráð felur bæjarstjóra að undirbúa erindin fyrir fjárlaganefnd og senda bæjarfulltrúum til kynningar.

Lagt fram til kynningar bréf frá framkvæmdastjóra KF, dagsett 16. september 2014, er varðar gervigrasvöll í Fjallabyggð.
Bæjarráð óskar eftir frekari upplýsingum um áætlaðan kostnað og hugsanlega samstarfsaðila.

Lagt fram til kynningar, bréf frá Umhverfis- og auðlindaráðuneytinu, dagsett 15. september 2014, er varðar 3. áfanga framkvæmda við upptökustoðvirki á vegum Ofanflóðanefndar á Siglufirði.
Þar kemur fram að Ofanflóðanefnd er samþykk því að ráðast í 3. áfanga með fyrirvara um nægar fjárheimildir á fjárlögum.

Í erindi Lísebetar Haukdóttur frá 18. september 2014, er sótt um leyfi til að opna íþróttamiðstöð fyrir fimleika á laugardögum í Íþróttamiðstöðinni Ólafsfirði.
Bæjarráð samþykkir opnun íþróttasalar frá kl. 10:00 - 14:00 og byggir ákvörðun bæjarráðs á kostnaðarmati íþrótta- og tómstundafulltrúa.
Ósk um að bæjarfélagið fjárfesti í tækjum er vísað til gerðar fjárhagsáætlunar fyrir næsta ár.
Erindinu er einnig vísað til umfjöllunar í fræðslu- og frístundanefnd.

Lögð fram til kynningar drög að umsögn Sambands ísl. sveitarfélaga, dagsett 24. september 2014, um reglugerð er varðar starfsemi slökkviliða.

Niðurstaða bæjarráðs er skráð sem trúnaðarmál í skjalakerfi bæjarfélagsins.

Lagt fram til kynningar bréf félagsmanna MND og SEM varðandi hugmyndir um styrki til félaganna í formi kaupa á innkaupatöskum fyrir bæjarbúa með merki bæjarfélagsins.
Bæjarráð samþykkir að vísa málinu til gerðar fjárhagsáætlunar.

Fundargerð Ríkislögreglustjóra (almannavarnardeild) frá 18.09.2014, lögð fram til kynningar.

Undir þessum dagskrárlið mættu fulltrúar KPMG, Þorsteinn Þorsteinsson og Arnar Árnason, bæjarfulltrúinn Kristjana R. Sveinsdóttir og varabæjarfulltrúinn Brynja I Hafsteinsdóttir.
Fulltrúar KPMG voru með fræðslu um fjármál sveitarfélaga.

Fjármálaráðstefna sveitarfélaga verður haldin dagana 9. og 10. október nk. í Reykjavík.
Bæjarráð samþykkir að bæjarráðsfulltrúar sæki ráðstefnuna, ásamt bæjarstjóra og deildarstjóra stjórnsýslu- og fjármála.