Bæjarráð Fjallabyggðar

Hlusta

267. fundur 21. ágúst 2012 kl. 16:00 - 14:00 í Ráðhúsinu Gránugötu 24 Siglufirði

Nefndarmenn

Ólafur Helgi Marteinsson formaður
Bjarkey Gunnarsdóttir aðalmaður
Sólrún Júlíusdóttir varamaður
Sigurður V Ásbjarnarson bæjarstjóri
Ólafur Þór Ólafsson skrifstofu- og fjármálastjóri

Fundargerð ritaði: Ólafur Þór Ólafsson skrifstofu- og fjármálastjóri

1.Kauptilboð - Ægisgötu 26 Ólafsfirði

Málsnúmer 1208024 Vakta málsnúmer

Borist hefur nýtt tilboð í raðhúsið Ægisgötu 26 í Ólafsfirði. Tilboðsverð er 6,0 m.kr.

Bæjarráð samþykkir kauptilboðið með tveimur atkvæðum.
Sólrún Júlíusdóttir sat hjá.

2.Afnotaréttarsamningur milli Garðs I og Garðs II

Málsnúmer 1208034 Vakta málsnúmer

Guðlaugur Magnús Ingason sækir um með leyfi núverandi afnotarétthafa að afnotaréttarsamningur á milli Garðs I og Garðs II verði færður á hans nafn, þar með talið ræktað land og óræktað sem og veiðihlunnindi Garðs I.

Með umsókninni fylgir heimild, undirrituð af Hólmfríði Magnúsdóttur, er varðar umræddan afnotaréttarsamning.

Bæjarráð samþykkir nafnabreytinguna enda breytist ekkert annað í afnotaréttarsamningnum.

3.Bréf Hestamannafélagsins Gnýfara frá 14. ágúst 2011 - reiðvegir, ræsi o.fl.

Málsnúmer 1108044 Vakta málsnúmer

Hestamannafélagið Gnýfari hefur fengið úthlutað 1 m.kr. úr reiðvegasjóði sem á að nýta á árinu. Félagið mun nýta féð til reiðvegagerðar í Laugarengi fram að Garðsá. Óskað er eftir viðræðum við sveitarfélagið um framkvæmdina.

Bæjarráð felur bæjarstjóra og deildarstjóra tæknideildar að ræða við stjórn Gnýfara.

4.Undirbúningsfundur vegna IPA umsókna

Málsnúmer 1208040 Vakta málsnúmer

Boðað er til undirbúningsfundar vegna fyrirhugaðra IPA umsókna Eyþings fimmtudaginn 23. ágúst n.k. Fundurinn verður í Háskólanum á Akureyri og hefst kl. 13.00 og lýkur kl. 17.00.

Umsóknirnar taka til tveggja sjóða er snerta innviði svæða eða fjárfestingar í mannauði.

Bæjarstjóri mun sitja ráðstefnuna og hefur hann nú þegar boðið Síldarminjasafninu og Menntaskólanum á Tröllaskaga þátttöku.

5.Hafnasambandsþing 2012

Málsnúmer 1208028 Vakta málsnúmer

Í samræmi við 5.gr. laga um Hafnasambands Íslands, boðar stjórn hafnasambandsins til 38. hafnasambandsþings í Höllinni í Vestmannaeyjum dagana 20. og 21. september 2012. Fjallabyggð hefur rétt á að senda tvo fulltrúa.

Bæjarráð felur hafnarstjóra og yfirhafnarverði að taka þátt í umræðum á 38. hafnasambandsþingi.

6.Sorpmóttaka Siglufirði - opnun tilboða

Málsnúmer 1208033 Vakta málsnúmer

Tæknideild hefur boðið út verkið Gámasvæði á Siglufirði með verk- og útboðslýsingu ásamt tilboðsblaði.

Um er að ræða girðingu umhverfis svæðið með tveimur hliðum, gröft fyrir lögnum, lagnir, stoðveggi, fyllingu í plan og lagnaskurði.

Eitt tilboð barst í verkið kr. 12.250.000.- sem er yfir kostnaðaráætlun eða 123,3%.

Verkfræðistofa Siglufjarðar hefur yfirfarið tilboðið.
Bæjarráð samþykkir að hafna tilboðinu, en að deildarstjóra tæknideildar verði falið að taka upp viðræður við bjóðendur í ljósi þeirra skýringa sem fram koma í samanburði á tilboði og kostnaðaráætlun.

7.Þjónustusamningur vegna skólamáltíða fyrir Grunnskóla Fjallabyggðar 2012-2014, Ólafsfirði

Málsnúmer 1208025 Vakta málsnúmer

Lagður fram til kynningar undirritaður þjónustusamningur vegna skólamáltíða við Brimnes Hótel ehf í Ólafsfirði.

Sjá mál 1202063 í fræðslunefnd, sem var staðfest á 79. fundi bæjarstjórnar.

8.Þjónustusamningur vegna skólamáltíða Grunnskóla Fjallabyggðar 2012-2013, Siglufirði

Málsnúmer 1208022 Vakta málsnúmer

Lagður fram til kynningar þjónustusamningur vegna skólamáltíða við fyrirtækið Allinn ehf á Siglufirði.

Sjá mál 1202063 í fræðslunefnd, sem var staðfest á 79. fundi bæjarstjórnar.

9.Bótaréttur hjá Vinnumálastofnun

Málsnúmer 1208047 Vakta málsnúmer

Félagsmálastjóri sendir bæjarfulltrúum upplýsingar um að atvinnuleysi hefur verulega dregist saman í Fjallabyggð eða úr 38 í maí í 23 í byrjun ágústmánaðar. Þó er gert ráð fyrir fjölgun þegar líða tekur á veturinn.

Enn sem komið er, er fátítt að einstaklingar fái aðstoð vegna þess að viðkomandi hafi tæmt bótarétt sinn.

10.Íslenskt vatn í flóttamannabúðir

Málsnúmer 1208044 Vakta málsnúmer

Langtímasamningur hefur verið gerður á milli íslenska vatnsfyrirtækisins Brúarfoss Iceland ehf við kanadísku góðgerðasamtökin "On Guard for Humanity", um kaup á íslensku vatni.
Gert er ráð fyrir því að Fjallabyggð komi að umræddu verkefni.

11.Fundur með Strætó bs.

Málsnúmer 1208043 Vakta málsnúmer

Lagt fram minnisblað frá fundi með VSÓ er varðar samstarf við Strætó bs, varðandi útboð á leiðinni Siglufjörður - Akureyri og Akureyri - Húsavík - Þorshöfn.

12.Skipulags- og umhverfisnefnd Fjallabyggðar - 141. fundur - 1. ágúst 2012

Málsnúmer 1207006F Vakta málsnúmer

Lögð fram til staðfestingar.

12.1 1207033 Beiðni um umsögn vegna umsóknar um rekstrarleyfi

Skipulags- og umhverfisnefnd Fjallabyggðar - 141. fundur - 1. ágúst 2012
Sýslumaðurinn á Siglufirði óskar eftir umsögn vegna umsóknar um rekstrarleyfi til handa Sigurði Sigurðssyni f.h. Laugarár ehf. vegna reksturs gististaðar að Þverá í Ólafsfirði.
Þar sem um nýjan stað er að ræða er sótt um nýtt rekstrarleyfi gististaðar skv. II. flokki 5. gr. laganna, en nánar tiltekið er um að ræða gistingu í sumarhúsum án veitinga.
Með vísan til 10. gr. laga nr. 85/2007, er þess hér með farið á leit að byggingarfulltrúi staðfesti að starfsemin sé í samræmi við byggingarleyfi og skipulagsskilmála sem og að lokaúttekt hafi farið fram á húsnæðinu og staðfestar teikningar liggi fyrir.

Byggingarfulltrúa falið að svara erindinu.
Bókun fundar Afgreiðsla 141. fundar skipulags- og umhverfisnefndar staðfest á 267. fundi bæjarráðs með þremur atkvæðum.
12.2 1207030 Bílastæði og umhverfi við Hvanneyrarbraut 64

Skipulags- og umhverfisnefnd Fjallabyggðar - 141. fundur - 1. ágúst 2012
Ari Trausti Guðmundsson f.h. húsfélagsins Hvanneyrarbraut 64 sendir inn erindi með óskum um úrbætur í þremur liðum.
1. Venjuleg bílastæði samhliða gangstéttum og þá merkt húsunum, 4-5 við hvern inngang.
2. Að lokið sé við jarðvegsskipti og gerð bílastæða og akbrautar neðan við hús nr. 64 - með sama sniði og við nr. 62.
3. Að fyrirkomulag með grenndargámum sé raungert í samræmi við ákvarðanir um það - sem íbúum var sagt að hafi verið teknar í fyrra af meirihluta íbúa í grenndinni. Þannig má losna við fjölda sorptunna við húsin.

Nefndin bókar:
1. Ekki er hægt að merkja bílastæði fyrir hvern inngang þar sem stæðin þjóna einnig húsum vestan megin götunnar.
2. Nefndin gerir ekki athugasemdir við að lokið sé við jarðvegsskipti, gerð bílastæða og akbrautar neðan við hús nr. 64 en bendir á að kostnaður við slíkar framkvæmdir fellur á lóðarhafa.
3. Settir voru grenndargámar í samræmi við þær ákvarðanir sem höfðu verið teknar, eftir uppsetninguna kom mikil óánægja í ljós vegna stærðar gámanna og voru þeir því fjarlægðir aftur. Hægt væri að koma fyrir minni einingum og smíða e.t.v. timburveggi í kringum þá en kostnaður við slíkar framkvæmdir fellur á lóðarhafa.
Bókun fundar Afgreiðsla 141. fundar skipulags- og umhverfisnefndar staðfest á 267. fundi bæjarráðs með þremur atkvæðum.
12.3 1207064 Tillögur að lóðarstærð og staðsetningu og umsókn um leyfi til hótelbyggingar við Snorragötu

Skipulags- og umhverfisnefnd Fjallabyggðar - 141. fundur - 1. ágúst 2012
Gunnar St. Ólafsson f.h. Selvíkur ehf. óskar eftir eftirfarandi varðandi hótelbyggingu við Snorragötu.
1. Samþykki á lóðarstærð, staðsetningu og fyrirkomulagi.
2. Samþykki á byggingarreit hótelsins.
3. Samþykki á hæðarlegu hótels og grunnformi.
4. Vilyrði um að nú ófrágengnar snjóflóðavarnir muni ekki tefja byggingu hótelsins.
Einnig, að fengnu samþykki á ofangreindu, er óskað eftir heimild til að hefja framkvæmdir við fyllingar og stálþil á grunni hönnunar Siglingastofnunar.

Nefndin bókar:
1. Með vísan til meðfylgjandi teikninga kemur ekki fram hversu stóra lóð um ræðir, en samkvæmt deiliskipulagi sem samþykkt hefur verið af sveitarstjórn er lóðin 6241 m2. Staðsetning og fyrirkomulag er að öðru leyti samþykkt.
2. Samþykkt.
3. Hæðarlega og grunnform samþykkt en bent er á að gólfkóti sé ekki undir 3,0 m, skv. skýrslu um spá um hækkun sjávarborðs eftir Þorstein Jóhannsson.
4. Nefndin getur ekki lofað að ófrágengnar snjóflóðavarnir tefji ekki byggingu hótelsins þar sem fjármögnun á verkefninu er í höndum Ofanflóðasjóðs.
Nefndin bendir á að ekki er búið að samþykkja deiliskipulag fyrir svæðið hjá Skipulagsstofnun en málið er í vinnslu.
Ekki er hægt að veita heimild til að hefja framkvæmdir við fyllingar og stálþil þar sem deiliskipulagið hefur ekki öðlast gildi. Það er vilji nefndarinnar að koma verkefninu af stað eins fljótt og kostur er.
Bókun fundar Afgreiðsla 141. fundar skipulags- og umhverfisnefndar staðfest á 267. fundi bæjarráðs með þremur atkvæðum.
12.4 1207052 Umsókn um byggingarlóð

Skipulags- og umhverfisnefnd Fjallabyggðar - 141. fundur - 1. ágúst 2012
Vernharður Skarphéðinsson sækir um byggingarlóð undir frístundahús á lóð nr. 4 við Hafnargötu á Siglufirði. Hönnun og útlit húss yrði í samræmi við önnur hús í hverfinu.

Erindi samþykkt.
Bókun fundar <DIV><DIV>Afgreiðsla 141. fundar skipulags- og umhverfisnefndar staðfest á 267. fundi bæjarráðs með þremur atkvæðum.</DIV><DIV>Bæjarráð leggur áherslu á að verið er að veita leyfi og samþykki fyrir hefðbundið íbúðarhús en ekki frístundahús. Lóðin er skipulögð undir venjulegt íbúðarhús sem tekur mið af umhverfi sínu.</DIV></DIV>
12.5 1207050 Umsókn um framkvæmdaleyfi

Skipulags- og umhverfisnefnd Fjallabyggðar - 141. fundur - 1. ágúst 2012
Valtýr Sigurðsson f.h. Leyningsáss ses. óskar eftir framkvæmdaleyfi fyrir byggingu tengilyftu, Hálsalyftu á skíðasvæðinu í Skarðsdal.

Erindi samþykkt með fyrirvara um að nánari teikningar og hönnun af undirstöðum berist.
Bókun fundar Afgreiðsla 141. fundar skipulags- og umhverfisnefndar staðfest á 267. fundi bæjarráðs með þremur atkvæðum.
12.6 1207061 Umsókn um framkvæmdaleyfi fyrir lyftuhúsi og snyrtiaðstöðu

Skipulags- og umhverfisnefnd Fjallabyggðar - 141. fundur - 1. ágúst 2012
Valtýr Sigurðsson f.h. Leyningsáss ses. sækir um framkvæmdaleyfi fyrir byggingu lyftuhúss með salernisaðstöðu við Bungulyftu á skíðasvæðinu í Skarðsdal.

Ekki er hægt að veita byggingaleyfi fyrir húsinu þar sem um gámaeiningu er að ræða. Nefndin samþykkir hins vegar stöðuleyfi fyrir húsinu.
Bókun fundar Afgreiðsla 141. fundar skipulags- og umhverfisnefndar staðfest á 267. fundi bæjarráðs með þremur atkvæðum.
12.7 1207057 Umsókn um leyfi til grjótnáms í námu við Selgil

Skipulags- og umhverfisnefnd Fjallabyggðar - 141. fundur - 1. ágúst 2012
Valtýr Sigurðsson f.h. Leyningsáss ses sækir um heimild til að láta BÁS ehf sprengja og vinna grjót í grjótnámunni við Selgil vegna framkvæmda við byggingu golfvallar í Hólsdal á Siglufirði.

Erindi samþykkt með fyrirvara um að vinnsla úr námunni sé gerð í samráði við tæknideild Fjallabyggðar.
Bókun fundar Afgreiðsla 141. fundar skipulags- og umhverfisnefndar staðfest á 267. fundi bæjarráðs með þremur atkvæðum.
12.8 1207065 Umsókn um útlitsbreytingar á Gránugötu 17 B

Skipulags- og umhverfisnefnd Fjallabyggðar - 141. fundur - 1. ágúst 2012
Gunnar St. Ólafsson f.h. Selvíkur ehf. sækir um leyfi til útlitsbreytinga á Gránugötu 17b skv. meðfylgjandi greinargerð.

Erindi samþykkt.
Bókun fundar Afgreiðsla 141. fundar skipulags- og umhverfisnefndar staðfest á 267. fundi bæjarráðs með þremur atkvæðum.
12.9 1205084 Beitarhólf Norðan Lambafens

Skipulags- og umhverfisnefnd Fjallabyggðar - 141. fundur - 1. ágúst 2012
Haraldur Björnsson óskar eftir að fá úthlutað beitarhólfi fyrir fjáreigendur.

Nefndin bókar:
Endurskipulagning á beitarhólfum er í vinnslu og nefndin áréttar að gert verði ráð fyrir fjárbeitarhólfi í því skipulagi.
Bókun fundar Afgreiðsla 141. fundar skipulags- og umhverfisnefndar staðfest á 267. fundi bæjarráðs með þremur atkvæðum.
12.10 1207067 Umsókn um breytingar á húseigninni Hvanneyrarbraut 3b

Skipulags- og umhverfisnefnd Fjallabyggðar - 141. fundur - 1. ágúst 2012
Jón Andrjes Hinriksson sækir um leyfi til breytinga á húseigninni Hvanneyrarbraut 3b skv. meðfylgjandi teikningum.

Erindi samþykkt.
Bókun fundar Afgreiðsla 141. fundar skipulags- og umhverfisnefndar staðfest á 267. fundi bæjarráðs með þremur atkvæðum.
12.11 1207074 Ósk um leyfi til að flytja gamla húsið á Vatnsenda

Skipulags- og umhverfisnefnd Fjallabyggðar - 141. fundur - 1. ágúst 2012
Sólveig Rósa Sigurðardóttir óskar eftir leyfi til að flytja hæð og ris hússins að Vatnsenda í Ólafsfirði og setja niður á lóð nr. 22 á landi Þverár í Ólafsfirði.

Nefndin setur sig ekki á móti því að húsið verði flutt á lóð nr. 22 á landi Þverár, enda verði lagðar fram fullnægjandi teikningar og samþykki landeiganda.
Bókun fundar Afgreiðsla 141. fundar skipulags- og umhverfisnefndar staðfest á 267. fundi bæjarráðs með þremur atkvæðum.
12.12 1208001 Gisithús Jóa, skilti

Skipulags- og umhverfisnefnd Fjallabyggðar - 141. fundur - 1. ágúst 2012
Bjarkey Gunnarsdóttir f.h. Bolla og bedda ehf. óskar eftir að fá að setja upp skilti á Strandgötu 2, Gistihús Jóa skv. meðfylgjandi teikningu.

Erindi samþykkt.
Bókun fundar <DIV><DIV><DIV>Afgreiðsla 141. fundar skipulags- og umhverfisnefndar staðfest á 267. fundi bæjarráðs með tveimur atkvæðum.</DIV><DIV>Bjarkey Gunnarsdóttir vék af fundi undir þessum dagskrárlið.</DIV></DIV></DIV>

13.Frístundanefnd Fjallabyggðar - 54. fundur - 15. ágúst 2012

Málsnúmer 1208002F Vakta málsnúmer