Frístundanefnd Fjallabyggðar - 54. fundur - 15. ágúst 2012

Lagðar fram ályktanir ársþings UÍF frá því í vor. Þar kemur fram að aðildarfélög UÍF muni kappkosta að verða fyrirmyndarfélög ÍSÍ fyrir árslok 2015. Einnig var ályktað um samgöngumál og bæjaryfirvöld hvött til að bæta og efla samgöngur milli bæjarkjarnanna.

Nefndin fagnar því að félögin skuli stefna að því að verða fyrirmyndafélög ÍSÍ. Umræður um frístundaakstur fór fram og ætlar nefndin að skoða betur í vetur í samvinnu við íþróttafélögin hvernig frístundaakstri verði best fyrir komið í framtíðinni.

Undir þessum lið vék Óskar Þórðarson af fundi. Nefndin leggur til að gjaldskrá hækki og stakur tími verði á kr. 1.100.- og að ljósatímum fylgi eingöngu aðgangur að sturtu. Óski viðskiptavinir eftir því að fá að fara í sund, pott eða líkamsrækt þurfa þeir að greiða sérstaklega fyrir það. Samhliða verði lamparnir auglýstir til sölu og kannaður möguleikinn á því að hætta með ljósalampa í íþróttamiðstöðinni.