Bæjarráð Fjallabyggðar

Fyrirhuguð eru rammasamningsútboð Ríkiskaupa fyrir árið 2012 og er bæjarfélögum boðin þátttaka að venju.

Bæjarráð telur rétt að Fjallabyggð endurnýji aðild að rammasamningakerfi Ríkiskaupa.

Bæjarfélagið mun greiða árgjald til Ríkiskaupa að upphæð kr. 21.335.- með vsk.

Samþykkt samhljóða.

Bæjarfélaginu er boðið umrætt húsnæði, sem staðsett er við knattspyrnuvöllinn í Ólafsfirði, til kaups með yfirtöku skulda.

Bæjarráð leggur til við bæjarstjórn að kaupin fari fram og er kaupverð miðað við kr. 10.350.000.-.

Bæjarráð mun miða við núverandi fjárfestingastefnu bæjarfélagsins þrátt fyrir umrædd kaup.

Lagt fram erindi frá Sólrúnu Júlíusdóttur bæjarfulltrúa fyrir hönd minnihluta.

Bæjarráð leggur til við bæjarstjórn að áheyrnarfulltrúi í byggingarnefnd grunnskóla Fjallabyggðar verði Jón Tryggvi Jökulsson, aðalmaður og Jakob Kárason til vara. 
Samþykkt samhljóða.

Bæjarráð leggur til við bæjarstjórn að fram komið afsal verði samþykkt og undirritað af bæjarstjóra, en þar kemur fram að Fjallabyggð afsali mannvirkjum á lóðinni Tjarnargötu 2, til Síldaminjasafnsins ses., samkvæmt skipulagsskrá fyrir Síldarminjasafn Íslands. Umrædd mannvirki munu falla aftur til Fjallabyggðar verði félaginu slitið.

Samþykkt samhljóða.

Lagðar fram upplýsingar um tilboð í framkvæmdir við grunnskólann í Ólafsfirði.

Sjö aðilar skiluðu inn tilboði í framkvæmdirnar og er miðað við skilatíma 1. september 2012.

Fjögur frávikstilboð bárust og er tæknideild bæjarfélagsins falið að óska eftir frekari upplýsingum

frá bjóðendum er varðar m.a. stöðu bjóðenda og undirverktaka.

Verktaki                     Tilboð                 %              Frávikstilboð          %
Eykt ehf                  158.626.020          102,9           Skilaði ekki
Berg ehf/GJ Smiðir    167.950.000          109,0          159.100.000       103,2
Pétur Jónsson          168.760.960          109,5          Skilaði ekki
BB Byggingar ehf      175.934.713         114,1          170.932.492       110,9
Tréverk ehf              181.379.888         117,7          175.308.236       113,7
ÍAV                        192.851.137         125,1          Skilaði ekki
SS Byggir                204.241.991         132,5          174.409.018      113,1

Kostnaðaráætlun     154.144.311          100             154.144.311      100

Lögð fram fundargerð byggingarnefndar grunnskólans frá 6. febrúar 2012.
Í fundargerð kemur fram að óskað hefur verið eftir frekari upplýsingum frá þremur lægstbjóðendum.

Lögð fram drög að framtíðarfyrirkomulagi um rekstur Tjarnarborgar.

Bæjarráð telur eðlilegt að fagnefnd ljúki umræðu um framkomnar tillögur, áður en til afgreiðslu kemur í bæjarráði.

Samþykkt samhljóða.

Lögð fram fyrstu drög að framtíðarfyrirkomulagi um rekstur Ægisgötu 15 í Ólafsfirði í framhaldi af yfirtöku bæjarfélagsins á rekstri og eignarhaldi á umræddu húsnæði.
Bæjarráð telur eðlilegt að fagnefnd ljúki umræðu um framkomin drög og tillögu áður en til afgreiðslu kemur í bæjarráði.
Samþykkt samhljóða.

Fundargerð 793. fundar lögð fram til kynningar.

Lögð fram tvö bréf frá Varasjóði húsnæðismála dags. 25.janúar 2012.

Fjallabyggð hefur fengið viðbótarúthlutun úr Varsjóði húsnæðismála að upphæð kr. 2.634.310.- og er söluframlag sjóðsins fyrir árið 2011 því 71,5% í stað 55% sem áður var miðað við.

Leiðrétting er gerð á framlögum vegna þriggja eigna sem bæjarfélagið seldi á árinu 2011, en það voru Hafnargata 24, Laugarvegur 37 og Ægisgata 32.

Lagt fram til kynningar.

Fundargerð frá 31. janúar lögð fram til kynningar.