Bæjarráð Fjallabyggðar

Fyrir liggur samantekt á framkvæmdum árið 2024 sem ekki var lokið við á árinu en eru í vinnslu og færast að hluta til yfir á framkvæmdaárið 2025.

Bæjarstjóri upplýsti að skipað hefur verið í starfshóp starfsfólks stofnana til þess að hefja vinnu við mannauðsstefnu og verður boðað til fyrsta fundar starfshópsins í byrjun næstu viku. Í starfshópinn hafa verið tilnefndir tveir fulltrúar Grunnskóla (Hólmfríður Ósk Norðfjörð Rafnsdóttir og Hörður Ingi Kristjánsson), tveir fulltrúar frá Leikskóla (Sjöfn Ylfa Egilsdóttir og Helena Margrét Ásgerðardóttir), einn fulltrúi frá Hornbrekku (Nanna Árnadóttir) og einn fulltrúi bæjarskrifstofu (Hulda Magnúsdóttir).

Í tengslum við fyrirhugaða uppfærslu og breytingu á samþykktum um stjórn Fjallabyggðar sem tekin var til fyrri umræðu á síðasta fundi bæjarstjórnar óskar bæjarstjóri eftir heimild til vinnu við uppfærslu á erindisbréfum í samræmi við fyrirhugaðar breytingar.

Þrír umsækjendur voru um starf sviðsstjóra skipulags - og framkvæmdasviðs. Að fengnu mati frá ráðningarskrifstofu kemur fram að einn umsækjandi uppfyllti öll skilyrði auglýsingar um starfið og hefur bæjarstjóri ásamt ráðningaskrifstofu tekið viðtal við viðkomandi umsækjanda.

Fyrir liggur erindi frá Vélsleðafélagi Ólafsfjarðar þar sem óskað er eftir leyfi til að halda snjókross keppni helgina 14.-16. febrúar innanbæjar í Ólafsfirði.

Fyrir liggur erindi frá Blakfélagi Fjallabyggðar þar sem óskað er eftir því að banni við innakstri á götunni við MTR/Ægisgötu í Ólafsfirði verði aflétt tímabundið á meðan Siglómót í blaki fer fram helgina 14.-15.febrúar n.k. þar sem vélsleðamót fer fram sömu helgi. Með þessu móti væri hægt að tryggja öruggara aðgengi að íþróttahúsinu.

Fyrir liggja minnisblöð bæjarstjóra vegna funda með starfsmönnum umhverfis - og tæknideildar um framkvæmdastöðu og verkefni.

Fyrir liggur fundargerð 148.fundar fræðslu - og frístundanefndar Fjallabyggðar frá 13. janúar s.l.