Bæjarráð Fjallabyggðar

Vinnuskjal deildarstjóra fræðslu-, frístunda- og menningarmála um fyrirkomulag árshátíðar starfsmanna Fjallabyggðar lagt fram og tekið til umræðu.

Kaffi Klara ehf. og Fjallabyggð undirrituðu þjónustusamninga um rekstur tjaldsvæða Fjallabyggðar, annars vegar á Siglufirði og hins vegar í Ólafsfirði fyrir árin 2022-2024.
Kaffi Klara ehf. hefur nú skipt um eigendur og hafa þeir lýst því yfir að þeir vilji klára samninginn sem rennur út 15. nóvember 2024.

Vinnuskjal deildarstjóra fræðslu-, frístunda- og menningarmála og markaðs- og menningarfulltrúa um fyrirkomulag Trilludaga lagt fram.

Á öðrum fundi starfshóps um úrgangsmál í Fjallabyggð var lagt fram tilboð frá Íslenska gámafélaginu ehf. um rekstur flokkunarstöðva í Fjallabyggð. Málinu vísað til bæjarráðs. Samningurinn er tímabundinn. Verktími reksturs gámasvæða skal hefjast 1.2.2024 og lýkur 31. mars 2024, þ.e. 2 mánuði. Samningurinn getur framlengst tvisvar sinnum, 1 mánuð í senn. Að þeim mánuðum liðnum fellur samningurinn úr gildi.

Á 237. fundi bæjarstjórnar var samþykkt að leggja fram tillögu um að framkvæmd verði úttekt á rekstri sveitarfélagsins ásamt þjónustuframboði samhliða samþykktum sveitarfélagsins, og að bæjarráði yrði falið að leggja fram tillögu með hvaða hætti og hvernig sú skoðun eigi að fara fram.

Á öðrum fundi stýrihóps um fjárfestingar, framkvæmdir og viðhald var m.a. tekið fyrir erindi um framkvæmdir við bráðabirgða golfskála í Skeggjabrekkudal. Um er að ræða fyrsta verkefni í aðgerðaráætlun samkvæmt framtíðarsýn sem samráðshópur um stefnumótun og framtíðarsýn í íþróttamálum setti fram.

Lagt er fram erindi Kaffi Klöru ehf. sem óska eftir heimild til afnota á litlu kofunum hjá Fjallabyggð til þess að vera með veitingasölu á snjókross mótinu sem haldið verður á Ólafsfirði þann 17. febrúar næstkomandi.

SSNE hyggst endurvekja fjölmenningarráð sitt sem síðast var starfrækt árið 2021. Af því tilefni er óskað eftir tilnefningu fulltrúa í fjölmenningarráðið.

Innviðaráðuneytið er með til skoðunar í samvinnu við Samband íslenskra sveitarfélaga hvort tilefni sé til að leggja til breytingar á lögum þar sem fjallað yrði um gjöld sem sveitarfélög innheimta nú á einkaréttarlegum grundvelli vegna skipulagsmála og lóðaúthlutana, sbr. tillögur starfshóps um aðgerðir og umbætur á húsnæðismarkaði frá 19. maí 2022.
Með lagasetningu yrði þá m.a. stefnt að samræmingu og auknu gegnsæi varðandi gjaldtöku vegna innviðauppbyggingar samhliða húsnæðisuppbyggingu.
Til að hægt sé að leggja mat á áhrif mögulegra lagabreytinga af þessu tilefni er þörf á upplýsingum um hvernig álagning og innheimta gjalda er háttað hjá hverju sveitarfélagi. Af því tilefni óskar ráðuneytið vinsamlegast eftir að sveitarfélagið taki saman og sendi ráðuneytinu upplýsingar og/eða sjónarmið sveitarfélagsins.