Stjórnsýslu- og rekstrarúttekt

Á 237. fundi bæjarstjórnar var samþykkt að leggja fram tillögu um að framkvæmd verði úttekt á rekstri sveitarfélagsins ásamt þjónustuframboði samhliða samþykktum sveitarfélagsins, og að bæjarráði yrði falið að leggja fram tillögu með hvaða hætti og hvernig sú skoðun eigi að fara fram.

Á 818. fundi bæjarráðs var bæjarstjóra falið að óska eftir tilboðum vegna stjórnsýslu- og rekstrarúttektar. Minnisblað bæjarstjóra um efnistök og umfang úttektarinnar lagt fram.

Á 819. fundi bæjarráðs var bæjarstjóra falið að leita tilboða og verkáætlana hjá áhugasömum aðilum í tengslum við stjórnsýslu- og rekstrarúttekt. Tilboðin lögð fram.

Á 821. fundi bæjarráðs gerði bæjarstjóri grein fyrir þeim tilboðum sem borist höfðu í stjórnsýslu- og rekstrarúttekt. Umræður á fundinum voru með þeim hætti að hægt væri að útiloka í það minnsta einn tilboðsgjafa þar sem hann gæti ekki tekið að sér fleiri verkefni fyrr en síðar á árinu. Bæjarráð vísar málinu til afgreiðslu bæjarstjórnar.

Helga og Guðrún frá Strategíu mættu til fundarins og fóru yfir drög að skýrslu um úttekt á stjórnsýslu- og rekstri Fjallabyggðar.

Með fundarboði bæjarráðs fylgdi skýrsla Strategíu vegna stjórnsýslu- og rekstrarúttektar á Fjallabyggð.

Á 832. fundi bæjarráðs Fjallabyggðar voru lögð fram drög að skýrslu um stjórnsýslu- og rekstrarúttekt. Málinu vísað til afgreiðslu bæjarstjórnar.
Með fundarboði bæjarstjórnar fygldi aðgerðaráætlun Fjallabyggðar ásamt skýrslu Strategíu um stjórnsýslu- og rekstrarúttekt á Fjallabyggð.
Guðjón M. Ólafsson, S. Guðrún Hauksdóttir, Arnar Þór Stefánsson og Helgi Jóhannsson tóku til máls.