Bæjarráð Fjallabyggðar

Lögð fram greinargerð deildarstjóra tæknideildar, dagsett 4. júlí 2022 varðandi stöðu verkefna við framkvæmdaáætlunar 2022.

Lögð fram umsögn deildarstjóra tæknideildar, dagsett 4. júlí 2022 varðandi verkefnið um þátttöku í sameiginlegu verkefni í Hringrásarhagkerfi.

Lagt fram til kynningar yfirlit staðgreiðslu fyrir janúar til júní 2022. Staðgreiðsla fyrir tímabilið nemur kr. 660.297.824,- eða 99,69% af tímabilsáætlun 2022.

Lagt fram erindi, dagsett 8. júlí 2022, þar sem Marteinn B Haraldsson, f.h. Sunnu ehf, óskar eftir því að Vetrarbraut, frá Aðalgötu og að gatnamótum við Eyrargötu verði lokuð 30. júlí nk. Fyrirhugað er að halda bjórleika sem og að fjöldi fornbíla muni vera á svæðinu.

Lagt fram erindi, dagsett 4. júlí 2022, þar sem eigendur Siglóveitinga ehf. óska eftir heimild fyrir því að loka götunni með fram bátadokkinni, sunnan við Rauðku og Torgið, á blíðviðris dögum. Væri það til þess fallið að minnka slysahættu enn frekar þar sem fólk er mikið á ferðinni sem og börn að leik.

Lagt fram erindi, dagsett 5. júlí 2022, þar sem Lánasjóður sveitarfélaga ohf. óskar eftir upplýsingum sbr. lög nr. 140/2018 um aðgerðir gegn peningaþvætti og fjármögnun hryðjuverka og reglugerð nr. 745/2019 um áreiðanleikakönnun vegna aðgerða gegn peningaþvætti og fjármögnun hryðjuverka.

Í samræmi við lög nr. 140/2018 um aðgerðir gegn peningaþvætti og fjármögnun hryðjuverka og reglugerð nr. 745/2019 um áreiðanleikakönnun þá ber Lánasjóði sveitarfélaga ohf. að framkvæma áreiðanleikakönnun á viðskiptamönnum sínum við upphaf viðvarandi samningssambands auk þess að kanna áreiðanleika núverandi viðskiptamanna.

Samkvæmt 10. gr. laga nr. 140/2018 þá gerir Lánasjóðurinn kröfu um að einstaklingar, prókúruhafar og aðrir sem hafa sérstaka heimild til að koma fram fyrir hönd viðskiptavina gagnvart fjármálafyrirtæki, þm.t. framkvæmdastjórar og stjórnarmenn sanni á sér deili með framvísun á gildum og viðurkenndum persónuskilríkjum. Þá þurfa lögaðilar að sanna deili á sér með upplýsingum úr Fyrirtækjaskrá ríkisskattstjóra eða sambærilegri opinberri skrá með heiti, heimilisfangi og kennitölu.

Lögð fram umsagnarbeiðni, dagsett 7. júlí 2022, þar sem Sýslumaðurinn á Suðurlandi óskar eftir umsögn Fjallabyggðar í kjölfar umsóknar Sunnu ehf. um leyfi til sölu áfengis (sala á áfengi sem er að rúmmáli minna 12% af hreinum vínanda) á framleiðslustað að Vetrarbraut 8-10.

Lagt fram til kynningar erindi frá Vali Rafn Halldórssyni f.h. Sambands íslenskra sveitarfélaga dags. 5. júlí 2022 varðandi framboðsfrest til formanns sambandsins.

Framboðsfrestur til formannskjörs er til og með 15. júlí og kjörgengir eru aðal- og varamenn í sveitarstjórn. Þeir sem ætla að bjóða sig fram er bent á að tilkynna með því að senda tölvupóst á samband@samband.is

Rétt til þátttöku í formannskosningu eiga landsþingsfulltrúar og skal rafræn kjörskrá liggja fyrir 20. júlí og vera byggð á kjörbréfum sem hafa borist frá sveitarfélögum fyrir 15. júlí. Það er því mikilvægt að kjörbréf berist sambandinu á samband@samband.is fyrir þann tíma.