Bæjarráð Fjallabyggðar

Lagt fram erindi Stefnu ehf. varðandi niðurstöður könnunar fyrir lausnir í þróun og þjónustumöguleikum í vefmálum sveitarfélagsins.

Bæjarráð samþykkir að vísa erindinu til gerðar fjárhagsáætlunar 2020.

Lagt fram vinnuskjal deildarstjóra tæknideildar, dags. 18.06.2019 þar sem fram kemur að tilboð voru opnuð í verkefnið "Götulýsing, útskipti ljóskerja og stólpa" þriðjudaginn 18 júní.

Eftirfarandi tilboð bárust:
Ingvi Óskarsson ehf. kr. 22.887.600
Raffó ehf. kr 25.571.074
Kostnaðaráætlun er kr. 25.411.000.

Deildarstjóri leggur til við bæjarráð að tilboði lægstbjóðanda verði tekið.

Bæjarráð samþykkir að taka tilboði Ingva Óskarssonar ehf. sem jafnframt er lægstbjóðandi.

Lagt fram vinnuskjal deildarstjóra tæknideildar, dags. 18.06.2019 þar sem fram kemur að tilboð voru opnuð í verkefnið "Endurnýjun á þekju við Bæjarbryggju" þriðjudaginn 18. júní.

Eftirfarandi tilboð bárust:
Bás ehf. kr. 4.662.320,
Sölvi Sölvason kr. 4.772.000,
Kostnaðaráætlun er kr. 4.350.000.

Deildarstjóri leggur til við bæjarráð að tilboði lægstbjóðanda verði tekið.

Bæjarráð samþykkir að taka tilboði Bás ehf. sem jafnframt er lægstbjóðandi.

Lagt fram til kynningar erindi Karls Björnssonar fh. Sambands íslenskra sveitarfélaga, dags. 11.06.2019 er varðar boðun á XXXIV landsþing Sambands íslenskra sveitarfélaga sem haldið verður föstudaginn 6. september nk. á Grand hótel Reykjavík kl. 10:30-15:00

Lagt fram til kynningar erindi Sambands íslenskra sveitarfélaga, dags. 11.06.2019 vegna boðunar á stofnfund vegna samráðsvettvangs sveitarfélaga fyrir heimsmarkmiðin og loftlagsmál þann 19. júní nk. kl. 13:00-14:30 í fundarsal Reykjavíkurborgar, Borgartúni 12-14, Vindheimum.
Jafnframt eru þau sveitarfélög sem ætla að taka þátt í stofnun samráðsvettvangs beðin um að skrá tengilið til að sjá um samskipti af hálfu sveitarfélagsins.

Bæjarráð samþykkir að taka þátt í samráðsvettvangnum og að deildarstjóri tæknideildar verði skráður tengiliður sveitarfélagsins.

Lögð fram til kynningar Fyrirtækjakönnun á Íslandi - könnun á meðal fyrirtækja sem starfa á landsbyggðinni sem unnin var í júní 2019 fyrir atvinnuþróunarfélögin, Byggðarstofnun og landshlutasamtökin.

Lagt fram erindi Önnu Sigurðardóttur framkvæmdastjóra Eignarhaldsfélags Brunabótafélags Íslands (EBÍ), dags. 13.06.2019 þar sem boðað er til aðalfundar fulltrúaráðs EBÍ föstudaginn 20. september, nk. á Hótel Natura.

Lagður fram til kynningar ársreikningur Síldarminjasafns Íslands ses. fyrir rekstrarárið 2018.

Lagt fram erindi Víðis Arnars Kristjánssonar hjá fasteignasölunni Dómusnova, dags. 13.06.2019 vegna fyrirspurnar um hugsanleg kaup skjólstæðings á félagslegum leiguíbúðum sveitarfélagsins að Ólafsvegi 32 og 34 í Ólafsfirði.

Bæjarráð samþykkir að fela deildarstjóra stjórnsýslu og fjármála að svara erindinu. Ein íbúð er í söluferli í Ólafsvegi 34. Bæjarráð hefur ekki samþykkt söluheimild fyrir fleiri íbúðir en stefnt er að því að selja íbúðir sveitarfélagsins í Ólafsvegi 34 og verður leigendum þá boðinn forkaupsréttur eins og tíðkast hefur við sölu félagslegra leiguíbúða í eigu sveitarfélagsins. Íbúðir í Ólafsvegi 32 eru ekki til sölu.

Lagðar fram til kynningar fundargerðir stjórnar Fjallasala ses. frá 14.03.2019 og frá 09.05.2019.