Erindi frá smábátaeigendum - afnám vinnsluskyldu.

Lagt fram erindi 10 útgerðaraðila smábáta dags. 5. apríl 2022, er varðar ósk þeirra um stuðning sveitarfélagsins við ósk þeirra um afnám vinnsluskyldu vegna byggðakvóta á yfirstandandi ári. Fram kemur í erindinu að ástæður beiðni séu að nú séu einungis tvær vinnslur í sveitarfélaginu og að önnur þeirra treysti sér ekki til að greiða verðlagsverð en hin kjósi helst að vinna þorsk undir 2 kg. Bestu lausnina á þeim vanda sem bréfritarar segja uppi, telja þeir vera að vinnsluskylda verði afnumin og vísa þar til fordæma s.s. í Skagafirði og á Skagaströnd.

Bæjarstjóri lagði fram og fór yfir erindi, dags. 27. apríl 2022, sem hann ritaði Matvælaráðuneytinu í kjölfar umfjöllunar bæjarráðs um erindi útgerðaraðila smábáta dags. 5. apríl. Ekki hefur borist svar frá ráðuneytinu.