Fyrirspurn/erindi um áform og framkvæmdir á athafnasvæði, Ólafsfirði

Umræddur reitur er hugsaður fyrir efnislosun vegna fyrirhugaðrar jarðgangnagerðar.
Nefndin felur tæknideild að bjóða félaginu að koma á fund nefndarinnar.

Nefndin þakkar Steinarri Lár Steinarssyni, formanni Brimbrettafélags Íslands og Aðalheiði Ýr Thomas fyrir komuna og upplýsandi kynningu og fróðleik um sérstöðu öldunnar neðan við Brimnestöng í Ólafsfirði.
Nefndin leggur til að samráð verði haft við brimbrettasamfélagið ef til landfyllingar og annarra framkvæmda kemur á svæðinu.
Nefndin þakkar þeim sérstaklega fyrir brimbretti sem þau færðu bæjarfélaginu að gjöf, en þróun og hönnun brettisins miðast við aðstæður öldunnar í Ólafsfirði.

Afmörkuð verði lóð í samræmi við Aðalskipulag (þar er búið að merkja sem athafnasvæði).
Skipulags- og umhverfisnefnd leggur til að deiliskipulagt verði svæði (Reitur 302 AT) norðan námuvegar.
Nefndin vísar málinu til bæjarráðs vegna fjármögnunar á deiliskipulagsvinnu.

Bæjarráð þakkar deildarstjóra fyrir umsögn sína og samþykkir að gerður verði viðauki við fjárhagsáætlun kr. 1.000.000,- fyrir deiliskipulagsvinnu.
Bæjarráð felur deildarstjóra stjórnsýslu og fjármála að útbúa viðauka fyrir fjárfestingunni og setja fyrir næsta fund bæjarráðs.

Bæjarráð samþykkir framlagðan viðauka nr. 16/2022 við fjárhagsáætlun 2022 að fjárhæð kr. 1.000.000,- vegna skipulagsvinnu við athafnasvæði Ólafsfirði, sem mætt verður með lækkun á handbæru fé.