Fræðslu- og frístundanefnd Fjallabyggðar - 63. fundur - 3. desember 2018

Málsnúmer 1811017F

Vakta málsnúmer

Bæjarstjórn Fjallabyggðar - 169. fundur - 14.12.2018

  • .1 1811083 Kynning á stelpunámskeiðum í Grunnskóla Fjallabyggðar
    Fræðslu- og frístundanefnd Fjallabyggðar - 63. fundur - 3. desember 2018 Erla Gunnlaugsdóttir skólastjóri Grunnskóla Fjallabyggðar, Margrét Guðmundsdóttir skólaráðgjafi og Sigurlaug Ragna Guðnadóttir grunnskólakennari sátu undir þessum lið.

    Margrét skólaráðgjafi og Sigurlaug Ragna kynntu fyrir nefndinni framkvæmd og hugmyndafræði stúlknanámskeiða sem þær hafa haldið fyrir stúlkur í 5.-7.bekk síðastliðin þrjú ár. Fræðslu- og frístundanefnd þakkar þeim Margréti og Sigurlaugu Rögnu fyrir góða kynningu svo og fyrir öflugt og þarft starf við Grunnskóla Fjallabyggðar.

    Bókun fundar Afgreiðsla 63. fundar fræðslu- og frístundanefndar staðfest á 169. fundi bæjarstjórnar með 7 atkvæðum.
  • .2 1811090 Strákanámskeið fyrir 4.-7. bekk
    Fræðslu- og frístundanefnd Fjallabyggðar - 63. fundur - 3. desember 2018 Erla Gunnlaugsdóttir skólastjóri Grunnskóla Fjallabyggðar, Margrét Guðmundsdóttir skólaráðgjafi og Sigurlaug Ragna Guðnadóttir grunnskólakennari sátu undir þessum lið.

    Á fjárhagsáætlun 2019 er gert ráð fyrir fjármagni til að halda strákanámskeiðið Öflugir strákar þann 7. janúar nk. fyrir drengi í 4.-7. bekk og fyrirlestur fyrir foreldra sama dag. Bjarni Fritzson kennir námskeiðið. Upp komu ýmsar hugmyndir í tengslum við þá þörf sem er fyrir strákanámskeið. Deildarstjóra fræðslu-, frístunda- og menningarmála er falið að skoða útfærslur á þeim hugmyndum sem komu upp á fundinum og leggja fyrir fund fræðslu- og frístundanefndar í febrúar.
    Bókun fundar Afgreiðsla 63. fundar fræðslu- og frístundanefndar staðfest á 169. fundi bæjarstjórnar með 7 atkvæðum.
  • .3 1810020 Breyttar dagsetningar samræmdra könnunarprófa í mars 2019
    Fræðslu- og frístundanefnd Fjallabyggðar - 63. fundur - 3. desember 2018 Erla Gunnlaugsdóttir skólastjóri Grunnskóla Fjallabyggðar sat undir þessum lið.
    Lagt fram bréf frá Menntamálastofnun þar sem tilkynntar eru breytingar á dagsetningum á samræmdum könnunarprófum fyrir 9. bekk í mars 2019. Prófin verða lögð fyrir 11.-13. mars í stað 12.-14. mars sem áður hafði verið auglýst.
    Senda þarf tilkynningu til foreldra og leiðrétta þessar dagsetningar inn á skóladagatali grunnskólans á heimasíðu skólans.
    Bókun fundar Afgreiðsla 63. fundar fræðslu- og frístundanefndar staðfest á 169. fundi bæjarstjórnar með 7 atkvæðum.
  • .4 1811078 Niðurstöður samræmdra prófa í 4. og 7.bekk haust 2018
    Fræðslu- og frístundanefnd Fjallabyggðar - 63. fundur - 3. desember 2018 Erla Gunnlaugsdóttir skólastjóri Grunnskóla Fjallabyggðar sat undir þessum lið. Skólastjóri fór yfir niðurstöður samræmdra könnunarprófa í 4. - 7. bekk frá því í haust. Bókun fundar Til máls tók Ingibjörg G. Jónsdóttir.

    Afgreiðsla 63. fundar fræðslu- og frístundanefndar staðfest á 169. fundi bæjarstjórnar með 7 atkvæðum.
  • .5 1811077 Niðurstöður nemendakönnunar Skólapúls 2018-2019
    Fræðslu- og frístundanefnd Fjallabyggðar - 63. fundur - 3. desember 2018 Sævar Eyjólfsson vék af fundi kl. 17:45
    Erla Gunnlaugsdóttir skólastjóri Grunnskóla Fjallabyggðar sat undir þessum lið. Skólastjóri kynnti helstu niðurstöður nemendakönnunar frá því í haust. Helmingur nemenda í 6.-10.bekk tóku þátt í könnuninni en könnunin verður lögð fyrir í apríl nk. fyrir hinn hluta hópsins.     Bókun fundar Afgreiðsla 63. fundar fræðslu- og frístundanefndar staðfest á 169. fundi bæjarstjórnar með 7 atkvæðum.
  • .6 1810093 Innsent erindi - Hugmynd að starfsgreinakynningu
    Fræðslu- og frístundanefnd Fjallabyggðar - 63. fundur - 3. desember 2018 Erindi hefur borist frá Brynhildi Reykjalín Vilhjálmsdóttur kennara þar sem hún viðrar hugmynd um starfsgreinakynningu í Fjallabyggð fyrir nemendur í elstu árgöngum grunnskóla og yngstu árgöngum framhaldsskóla. Fræðslu- og frístundanefnd þakkar Brynhildi fyrir erindið og felur skólastjóra Grunnskóla Fjallabyggðar og deildarstjóra fræðslu-, frístunda- og menningarmála að ræða við Brynhildi um erindið. Bókun fundar Afgreiðsla 63. fundar fræðslu- og frístundanefndar staðfest á 169. fundi bæjarstjórnar með 7 atkvæðum.
  • .7 1810051 Erindi frá Trölla, hugmyndir um samstarf
    Fræðslu- og frístundanefnd Fjallabyggðar - 63. fundur - 3. desember 2018 Á 47.fundi Markaðs- og menningarnefndar var tekið fyrir erindi frá Gunnari Smára Helgasyni og Kristínu Sigurjónsdóttur fyrir hönd Trölla.is um hugmyndir um samstarf við sveitarfélagið. Markaðs- og menningarnefnd vísaði hluta hugmynda sem þar komu fram til Fræðslu- og frístundanefndar Fjallabyggðar. Hugmyndir þessar snúa að samstarfi við félagsmiðstöðina og grunn-, leik- og tónlistarskóla. Nú þegar er Trölli.is í samstarfi við grunnskólann um valgrein á unglingastigi.
    Fræðslu- og frístundarnefnd þakkar þeim Gunnari Smára og Kristínu fyrir góðar hugmyndir og óskar eftir umsögn frá deildarstjóra fræðslu-, frístunda- og menningarmála og skólastjóra Grunnskóla Fjallabyggðar um erindið.
    Fræðslu- og frístundanefnd vísar hugmynd um samstarf við tónlistarskólann til skólanefndar Tónlistarskólans á Tröllaskaga.
    Bókun fundar Afgreiðsla 63. fundar fræðslu- og frístundanefndar staðfest á 169. fundi bæjarstjórnar með 7 atkvæðum.