Skipulags- og umhverfisnefnd Fjallabyggðar - 221. fundur - 11. janúar 2018

Málsnúmer 1801004F

Vakta málsnúmer

Bæjarstjórn Fjallabyggðar - 155. fundur - 24.01.2018

  • .1 1712006 Ósk um breytingu á deiliskipulagi fyrir hesthús á Siglufirði
    Skipulags- og umhverfisnefnd Fjallabyggðar - 221. fundur - 11. janúar 2018 Á 220. fundi skipulags- og umhverfisnefndar var lagt fram erindi Egils og Óðins Rögnvaldssona, þar sem óskað var eftir breytingu á deiliskipulagi frístundasvæðis á Siglufirði, þannig að heimilt væri að vera með blandaðan búskap í hesthúsunum. Nefndin fól tæknideild að leita umsagna hjá hesthúsaeigendum og hestamannafélaginu Glæsi á Siglufirði vegna málsins.

    Lagðar fram sex umsagnir hesthúsaeigenda ásamt umsögn hestamannafélagsins Glæsis.

    Beiðni um breytingu á deiliskipulagi frístundasvæðis er hafnað þar sem umsagnaraðilar eru almennt mótfallnir tillögu um breytingu á deiliskipulaginu. Nefndir veitir Agli og Óðni undanþágu til að halda sauðfé í hesthúsunum til sumars 2018.     Bókun fundar Undir þessum lið vék S. Guðrún Hauksdóttir.

    Afgreiðsla 221. fundar skipulags- og umhverfisnefndar staðfest á 155. fundi bæjarstjórnar með 6 atkvæðum.
  • .2 1801025 Erindi frá hestamannafélaginu Glæsi
    Skipulags- og umhverfisnefnd Fjallabyggðar - 221. fundur - 11. janúar 2018 Lagt fram erindi hestamannafélagsins Glæsis dags. 5. janúar 2018.

    1. Óskað er eftir undanþágu til að nýta göngustíg meðfram Langeyrartjörn að austanverðu til útreiða.
    2. Einnig er óskað eftir því að hægt verði að nýta svæði sunnan byggðarinnar við Eyrarflöt til útreiða og Fjallabyggð moki snjó af einum hring á umræddu svæði svo hægt sé að nota það til útreiða.

    Nefndin hafnar erindi hestamannafélagsins með vísan til þess að vegurinn frá hesthúsunum að Skarðsvegi hefur verið mokaður, sem opnar möguleika á að fara í reiðtúr um svæðið.     Bókun fundar Afgreiðsla 221. fundar skipulags- og umhverfisnefndar staðfest á 155. fundi bæjarstjórnar með 7 atkvæðum.
  • .3 1801028 Göngustígur meðfram Langeyrartjörn til útreiðartúra
    Skipulags- og umhverfisnefnd Fjallabyggðar - 221. fundur - 11. janúar 2018 Lagt fram erindi Herdísar Erlendsdóttur dags. 8. janúar 2018. Í erindi sínu óskar Herdís eftir leyfi/undanþágu til að nota göngustíginn við Langeyrartjörn til útreiðartúra fjórum sinnum í viku milli kl. 18-21 í janúar og febrúar fyrir unga iðkendur á aldrinum 9-17 ára sem leggja stund á reiðmennsku.

    Nefndin veitir Herdísi umbeðna undanþágu til að nýta göngustíg meðfram Langeyrarvegi (Langeyrartjörn) fyrir iðkendur sína. Nefndin setur það skilyrði að allur hestaskítur verður fjarlægður eftir hvern reiðtúr og tryggt að gangandi vegfarendur njóti forgangs en að öðrum kosti verður undanþágan afturkölluð.     Bókun fundar Til máls tóku S. Guðrún Hauksdóttir og Nanna Árnadóttir.

    Afgreiðsla 221. fundar skipulags- og umhverfisnefndar staðfest á 155. fundi bæjarstjórnar með 7 atkvæðum.
  • .4 1712037 Breyting á samþykkt um búfjárhald í Fjallabyggð
    Skipulags- og umhverfisnefnd Fjallabyggðar - 221. fundur - 11. janúar 2018 Lögð fram uppfærð samþykkt um búfjárhald í Fjallabyggð þar sem vísað er í ný lög um búfjárhald nr. 38/2013 sem leystu af hólmi eldri lög nr. 103/2002.

    Erindi frestað.     Bókun fundar Afgreiðsla 221. fundar skipulags- og umhverfisnefndar staðfest á 155. fundi bæjarstjórnar með 7 atkvæðum.
  • .5 1801002 Umsókn um leyfi til búfjárhalds
    Skipulags- og umhverfisnefnd Fjallabyggðar - 221. fundur - 11. janúar 2018 Lögð fram umsókn Hólmars Hákonar Óðinssonar um leyfi til búfjárhalds. Óskað er eftir leyfi til að halda 5 sauðfé að Hlíðarenda í Ólafsfirði.

    Umsóknin uppfyllir skilyrði 3. gr. samþykktar um búfjárhald í Fjallabyggð. Tæknideild falið að gefa út leyfisbréf í samræmi við 5. gr. samþykktarinnar.     Bókun fundar Afgreiðsla 221. fundar skipulags- og umhverfisnefndar staðfest á 155. fundi bæjarstjórnar með 7 atkvæðum.
  • .6 1712024 Umsókn um leyfi til búfjárhalds
    Skipulags- og umhverfisnefnd Fjallabyggðar - 221. fundur - 11. janúar 2018 Lögð fram umsókn Ólafs Helga Marteinssonar um leyfi til búfjárhalds. Óskað er eftir leyfi til að halda 28 hross að Fákafeni 5 og 5A.

    Umsóknin uppfyllir skilyrði 3. gr. samþykktar um búfjárhald í Fjallabyggð. Tæknideild falið að gefa út leyfisbréf í samræmi við 5. gr. samþykktarinnar.     Bókun fundar Afgreiðsla 221. fundar skipulags- og umhverfisnefndar staðfest á 155. fundi bæjarstjórnar með 7 atkvæðum.
  • .7 1712026 Umsókn um leyfi til búfjárhalds
    Skipulags- og umhverfisnefnd Fjallabyggðar - 221. fundur - 11. janúar 2018 Lögð fram umsókn Margrétar Ólafar Eyjólfsdóttur þar sem óskað er eftir leyfi til að halda þrjár hænur að heimili hennar, Bylgjubyggð 59.

    Erindi samþykkt.     Bókun fundar Afgreiðsla 221. fundar skipulags- og umhverfisnefndar staðfest á 155. fundi bæjarstjórnar með 7 atkvæðum.
  • .8 1712019 Umsókn um stækkun lóðarinnar Árdalur
    Skipulags- og umhverfisnefnd Fjallabyggðar - 221. fundur - 11. janúar 2018 Lagt fram erindi J. Hilmars Antonssonar dagsett 3. janúar 2018. Óskað er eftir leyfi fyrir stækkun lóðarinnar Árdals að Kleifum skv. meðfylgjandi gögnum.

    Erindi samþykkt.     Bókun fundar Afgreiðsla 221. fundar skipulags- og umhverfisnefndar staðfest á 155. fundi bæjarstjórnar með 7 atkvæðum.
  • .9 1712020 Umsókn um byggingarleyfi - Árdalur
    Skipulags- og umhverfisnefnd Fjallabyggðar - 221. fundur - 11. janúar 2018 Með umsókn dags. 13. desember 2017 sækir J. Hilmar Antonsson um byggingarleyfi fyrir geymsluskúr á lóðinni Árdalur skv. framlögðum aðaluppdráttum.

    Erindi samþykkt.     Bókun fundar Afgreiðsla 221. fundar skipulags- og umhverfisnefndar staðfest á 155. fundi bæjarstjórnar með 7 atkvæðum.
  • .10 1709032 Erindi,tillögur og / eða ábendingar er varðar fjárhagsáætlun 2018
    Skipulags- og umhverfisnefnd Fjallabyggðar - 221. fundur - 11. janúar 2018 Teknar fyrir ábendingar íbúa sem bæjarráð vísaði til skipulags- og umhverfisnefndar.

    1. Tekin fyrir ábending Kristjáns Haukssonar. Kristján bendir á að svæðið milli MTR, gamla tónskólans og íþróttamiðstöðvarinnar líti illa út og sé nauðsynlegt að laga. Einnig bendir Kristján að snyrta mætti trjágróður við tjarnarsvæðið í Ólafsfirði og fegra opna svæðið milli Aðalgötu og Brimnes Hótels.

    2. Tekin fyrir ábending frá Inga Reyndal vegna umhirðu við vatnsbakka Ólafsfjarðarvatns við Bylgjubyggð.

    Nefndin tekur jákvætt í ábendingarnar og felur tæknideild að sinna umhirðuverkefnum sem bent er á.     Bókun fundar Afgreiðsla 221. fundar skipulags- og umhverfisnefndar staðfest á 155. fundi bæjarstjórnar með 7 atkvæðum.
  • .11 1711057 Niðurfelling Kálfsárkotsvegar af vegaskrá
    Skipulags- og umhverfisnefnd Fjallabyggðar - 221. fundur - 11. janúar 2018 Lögð fram til kynningar tilkynning Vegagerðarinnar, dags.14. desember 2017 vegna niðurfellingar Kálfsárkotsvegar. Bókun fundar Afgreiðsla 221. fundar skipulags- og umhverfisnefndar staðfest á 155. fundi bæjarstjórnar með 7 atkvæðum.
  • .12 1712033 Endurheimt og varðveisla votlendis á Íslandi - lykilhlutverk sveitarfélaga
    Skipulags- og umhverfisnefnd Fjallabyggðar - 221. fundur - 11. janúar 2018 Lagt fram til kynningar erindi Landgræslu ríkisins dags. 12. desember 2017. Með erindi þessu vill Landgræðslan upplýsa um gagnsemi og mikilvægi votlendis fyrir íslenskt samfélag. Nauðsynlegt er að sveitarstjórnir landsins séu upplýstar um málefnið og þær skyldur sem á þeim hvíla varðandi leyfisveitingar ef raska á eða ræsa fram votlendi. Bókun fundar Afgreiðsla 221. fundar skipulags- og umhverfisnefndar staðfest á 155. fundi bæjarstjórnar með 7 atkvæðum.