Bæjarráð Fjallabyggðar - 377. fundur - 29. janúar 2015

Málsnúmer 1501010F

Vakta málsnúmer

Bæjarstjórn Fjallabyggðar - 112. fundur - 11.02.2015

Formaður bæjarráðs, Steinunn María Sveinsdóttir gerði grein fyrir fundargerð.
  • .1 1501011 Húsnæði Hornbrekku - aðstaða
    Bæjarráð Fjallabyggðar - 377. fundur - 29. janúar 2015 Þessum dagskrárlið var frestað til næsta fundar. Bókun fundar Afgreiðsla 377. fundar bæjarráðs staðfest á 112. fundi bæjarstjórnar með 7 atkvæðum.
  • .2 1403067 Lóðir undir eldsneytisafgreiðslu, Vesturtangi 18 og 20
    Bæjarráð Fjallabyggðar - 377. fundur - 29. janúar 2015 Í erindi Skeljungs hf dagsettu 19. janúar 2015, er mótmælt úthlutun lóðarinnar að Vesturtanga 18 til Olíuverslunar Íslands og óskað eftir fundi með fulltrúum bæjarfélagsins.

    Lagt var fram yfirlit úr skjalakerfi bæjarfélagins um sögu mála vegna lóðar undir eldsneytisafgreiðslu á Vesturtanga.

    Bæjarráð samþykkir að fá lögfræðiálit á málinu og í framhaldi af því verði formanni bæjarráðs, bæjarstjóra og deildarstjóra tæknideildar falið að eiga fund með fulltrúum Skeljungs.     Bókun fundar Afgreiðsla 377. fundar bæjarráðs staðfest á 112. fundi bæjarstjórnar með 7 atkvæðum.
  • .3 1501055 Snjóflóðaeftirlit á Skíðasvæðinu Skarðsdal
    Bæjarráð Fjallabyggðar - 377. fundur - 29. janúar 2015 Í erindi Valló ehf er óskað eftir því að snjóflóðaeftirlit á skíðasvæðinu í Skarðsdal sem er nú á vegum rekstraraðila skíðasvæðins verði fært yfir til bæjarfélagsins og verði samþætt eftirliti fyrir þéttbýlið í Siglufirði, sem Veðurstofan sér um og greiðir.

    Bæjarráð leggur áherslu á að lokið verði við aðgerðaráætlun um daglegt snjóflóðaeftirlit í samvinnu við Veðurstofu Íslands samkvæmt reglugerð og að fundað verði með fulltrúum Leyningsáss ses. og Valló ehf. í framhaldinu.     Bókun fundar Afgreiðsla 377. fundar bæjarráðs staðfest á 112. fundi bæjarstjórnar með 7 atkvæðum.
  • .4 1407024 Styrkbeiðni vegna endurnýjunar á tengigangi Hóls
    Bæjarráð Fjallabyggðar - 377. fundur - 29. janúar 2015 Á fundi stjórnar Ungmenna- og íþróttasambands Fjallabyggðar frá 9. janúar 2015 var hörmuð
    sú niðurstaða 372. fundar bæjarráðs að hafna beiðni um 2 millj. kr. styrk á ári í 4 ár vegna endurbóta að Hóli.
    Stjórn UÍF leitar eftir tillögu bæjarráðs um lausn á málinu svo hægt sé að halda áfram við endurbætur á tengigangi.

    Bæjarráð hafnar aðkomu að málinu en ítrekar að í nýsamþykktri fjárhagsáætlun sé rekstrarframlag 1,5 millj. á ári til U.Í.F..

    Sólrún Júlíusdóttir, áheyrnarfulltrúi vísar í fyrri bókun um að hún leggi áherslu á að þörf sé á að fara í endurbætur með aðkomu Fjallabyggðar og að styrkbeiðni sé samþykkt.     Bókun fundar Til máls tók S. Guðrún Hauksdóttir.
    Afgreiðsla 377. fundar bæjarráðs staðfest á 112. fundi bæjarstjórnar með 7 atkvæðum.
  • .5 1501069 Öryggi gangandi nemenda milli skólahúss við Norðurgötu og íþróttahúss Siglufirði
    Bæjarráð Fjallabyggðar - 377. fundur - 29. janúar 2015 Tekið fyrir erindi skólastjóra Grunnskóla Fjallabyggðar, dagsett 23. janúar 2015, varðandi öryggi gangandi nemenda milli skólahúss við Norðurgötu og íþróttahúss á Siglufirði yfir vetrartímann.

    16. fundur Fræðslu- og frístundanefndar tók undir með skólastjóra um nauðsyn þess að gangstéttir á þessari leið séu hreinsaðar þegar snjór safnast á þær.

    Í minnisblaði deildarstjóra tæknideildar til bæjarráðs kemur fram að hann og bæjarverkstjóri hafa ítrekað við verktakann, sem sér um mokstur á Siglufirði, að halda þurfi gönguleiðum milli grunnskóla Norðurgötu og íþróttamiðstöðvar á Siglufirði opnum. Verkefnið á að vera í fyrsta forgangi og mun bæjarverkstjóri fylgja því eftir að þetta verði gert.

    Fram kom í erindi skólastjóra að í undirbúningi sé að kaupa endurskinsvesti fyrir nemendur í þeim tilgangi að auka öryggi þeirra.

    Bæjarráð leggur áherslu á að gönguleið sé mokuð og felur deildarstjóra tæknideildar að taka saman aukinn kostnað vegna málsins fyrir næsta bæjarráðsfund og að athuga aðkomu Vegagerðarinnar.     Bókun fundar Til máls tóku Sólrún Júlíusdóttir og Gunnar I. Birgisson.
    Afgreiðsla 377. fundar bæjarráðs staðfest á 112. fundi bæjarstjórnar með 7 atkvæðum.
  • .6 1501040 Verkfallslisti - endurskoðun
    Bæjarráð Fjallabyggðar - 377. fundur - 29. janúar 2015 Samkvæmt 2. mgr. 19. gr. laga nr. 94/1986 um kjarasamninga opinberra starfsmanna skulu sveitarfélög, fyrir 1. febrúar ár hvert, að undangengnu samráði við viðkomandi stéttarfélög opinberra starfsmanna, birta skrár (lista) yfir þá starfsmenn sem ekki hafa verkfallsheimild.

    Deildarstjóri stjórnsýslu og fjármála lagði fram tillögu að verkfallslista, sem tók mið af svörum stéttarfélaga.

    Bæjarráð samþykkir tillögu að verkfallslista.     Bókun fundar Afgreiðsla 377. fundar bæjarráðs staðfest á 112. fundi bæjarstjórnar með 7 atkvæðum.
  • .7 1501066 Innri lán - skuldajöfnun
    Bæjarráð Fjallabyggðar - 377. fundur - 29. janúar 2015 Í erindi deildarstjóra stjórnsýslu og fjármála er leitað eftir formlegri heimild til að skuldajafna stöðu viðskiptareikninga á móti innri lánum
    milli aðalsjóðs og veitustofnunar annars vegar og aðalsjóðs og hafnarsjóðs hins vegar.

    Bæjarráðs samþykkir erindið.     Bókun fundar Afgreiðsla 377. fundar bæjarráðs staðfest á 112. fundi bæjarstjórnar með 7 atkvæðum.
  • .8 1501062 Golfklúbbar í Fjallabyggð, rekstur og framtíðarplön.
    Bæjarráð Fjallabyggðar - 377. fundur - 29. janúar 2015 Á fund bæjarráðs kom formaður Golfklúbbs Ólafsfjarðar, Rósa Jónsdóttir og ræddi rekstur og framtíðarplön golfklúbbsins.
    Fyrirhugað er að fá formann Golfklúbbs Siglufjarðar á fund bæjarráðs.     Bókun fundar Afgreiðsla 377. fundar bæjarráðs staðfest á 112. fundi bæjarstjórnar með 7 atkvæðum.
  • .9 1501071 Upplýsingaskjár í sundlauginni í Ólafsfirði
    Bæjarráð Fjallabyggðar - 377. fundur - 29. janúar 2015 Málið snýr að beiðni Slysavarnarfélagsins Landsbjargar um að settur verði upp upplýsingaskjár í sundlauginni í Ólafsfirði þar sem sýnilegar verði upplýsingar fyrir ferðamenn um færð á vegum ofl. Beintengt www.safetravel.is

    Kostnaður er áætlaður 360 þúsund ásamt rekstri samkvæmt minnisblaði markaðs- og menningarfulltrúa sem lagt var fyrir bæjarráð.
    Þar kemur fram að tæknilega er ekki hægt að nýta upplýsingaskjái bæjarfélagsins sem eru staðsettir í báðum byggðakjörnum fyrir þessa upplýsingagjöf.

    Bæjarráð sér sér ekki fært að verða við beiðninni.     Bókun fundar Afgreiðsla 377. fundar bæjarráðs staðfest á 112. fundi bæjarstjórnar með 7 atkvæðum.
  • .10 1501072 Siglunes hf - forkaupsréttur sveitarstjórna skv. 12. gr. laga nr. 116/20116 um stjórn fiskveiða
    Bæjarráð Fjallabyggðar - 377. fundur - 29. janúar 2015 Í erindi eigenda Siglunes hf, dagsettu 24. janúar 2015 er bæjarfélaginu boðinn forkaupsréttur skv. 12. gr. laga nr. 116/2006 um stjórn fiskveiða í tengslum við sölu á öllum hlutum í Siglunesi hf til Eignarhaldsfélagsins Ögurs ehf, samkv. kaupsamningi frá 21. janúar 2015.

    Bæjarráð harmar að veiðiheimildir séu á leið út úr bæjarfélaginu.

    Bæjarráð samþykkir að nýta sér ekki forkauprétt þann sem boðinn er, enda ekki í aðstöðu til þess.
    Lagaleg óvissa er fyrir hendi og óútkljáð mál liggja fyrir dómstólum.     Bókun fundar Afgreiðsla 377. fundar bæjarráðs staðfest á 112. fundi bæjarstjórnar með 7 atkvæðum.
  • .11 1401142 Samningagerð við aðildarfélög UÍF
    Bæjarráð Fjallabyggðar - 377. fundur - 29. janúar 2015 Lagður fram til kynningar þjónustusamningur 2015-2016 bæjarfélagsins við Skíðafélag Ólafsfjarðar. Bókun fundar Til máls tók Steinunn María Sveinsdóttir og lagði til að samningur við Skíðafélag Ólafsfjarðar yrði samþykktur.
    Tillaga samþykkt með 7 atkvæðum.
    Afgreiðsla 377. fundar bæjarráðs að öðru leyti staðfest á 112. fundi bæjarstjórnar með 7 atkvæðum.
  • .12 1407036 Staða framkvæmdaáætlunar ársins 2014 hjá Fjallabyggð
    Bæjarráð Fjallabyggðar - 377. fundur - 29. janúar 2015 Lagt fram til kynningar staða framkvæmdaáætlunar 2014. Bókun fundar Afgreiðsla 377. fundar bæjarráðs staðfest á 112. fundi bæjarstjórnar með 7 atkvæðum.
  • .13 1407031 Launayfirlit tímabils 2014
    Bæjarráð Fjallabyggðar - 377. fundur - 29. janúar 2015 Lagt fram mánaðarlegt launayfirlit fyrir janúar til desember. Einnig aðrar tölulegar upplýsingar launadeildar.

    Niðurstaðan fyrir heildina er 905,2 m.kr. sem er 96,8% af áætlun tímabilsins sem var 934,8 m.kr.
    Sumar deildir eru yfir áætlun tímabilsins samtals um 43,5 m.kr. á móti öðrum deildum sem eru undir áætlun, samtals um 13,9 m.kr.

    Nettóniðurstaða er því 29,6 m.kr. undir áætlun tímabilsins.     Bókun fundar Afgreiðsla 377. fundar bæjarráðs staðfest á 112. fundi bæjarstjórnar með 7 atkvæðum.
  • .14 1412022 Opnunartími Íþróttamiðstöðvar - 2015
    Bæjarráð Fjallabyggðar - 377. fundur - 29. janúar 2015 Á fund bæjarráðs kom íþrótta- og tómstundafulltrúi og kynnti opnunartíma íþróttamiðstöðvar og lagði fram upplýsingar um ástand tækjakosts í tækjasal og viðhaldsþörf.
    Nýr opnunartími tekur gildi 1. febrúar 2015 og verður auglýstur nánar á heimasíðu bæjarfélagsins.     Bókun fundar Afgreiðsla 377. fundar bæjarráðs staðfest á 112. fundi bæjarstjórnar með 7 atkvæðum.