Markaðs- og menningarnefnd Fjallabyggðar - 11. fundur - 20. nóvember 2014

Málsnúmer 1411002F

Vakta málsnúmer

Bæjarstjórn Fjallabyggðar - 109. fundur - 01.12.2014

Bæjarstjóri, Sigurður Valur Ásbjarnarson gerði grein fyrir fundargerð.
  • .1 1401026 Ferðastefna Fjallabyggðar
    Markaðs- og menningarnefnd Fjallabyggðar - 11. fundur - 20. nóvember 2014 Drög að Ferðastefnu Fjallabyggðar lögð fram til kynningar. Stýrihópur um gerð ferðastefnunnar hefur óskað eftir umsögn nefnda bæjarfélagsins.

    Markaðs- og menningarnefnd samþykkir fyrir sitt leyti jákvæða umsögn um tillöguna og gerir ekki athugasemdir.
    Nefndin samþykkir að boða til samráðsfundar með ferðaþjónustuaðilum til að fara yfir tillöguna og fleiri þætti er snúa að sameiginlegum hagsmunum sveitarfélagins og ferðaþjónustuaðila.     Bókun fundar Afgreiðsla 11. fundar markaðs- og menningarnefndar staðfest á 109. fundi bæjarstjórnar með 7 atkvæðum.
  • .2 1410063 Jól og áramót 2014
    Markaðs- og menningarnefnd Fjallabyggðar - 11. fundur - 20. nóvember 2014 Rætt um fyrirkomulag og viðburðarhald um jól og áramót, brennur, flugeldasýningar og jólatréstendrun.
    Markaðs- og menningarnefnd leggur til að kveikt verði á jólatrjám í Fjallabyggð 29. nóvember í Ólafsfirði og á Siglufirði 30. nóvember.
    Markaðs- og menningarfulltrúa er jafnframt falið að ræða við þau félagasamtök sem hafa komið að þessum viðburðum.     Bókun fundar Afgreiðsla 11. fundar markaðs- og menningarnefndar staðfest á 109. fundi bæjarstjórnar með 7 atkvæðum.
  • .3 1409036 Styrkumsóknir 2015 - Menningarmál
    Markaðs- og menningarnefnd Fjallabyggðar - 11. fundur - 20. nóvember 2014 Farið yfir umsóknir um menningarstyrki og tillaga gerð til bæjarráðs.
    Tvær styrkumsóknir bárust að loknum umsóknarfresti og er þeim vísað til afgreiðslu í bæjarráði.

    Bæjarráð samþykkti á fundi sínum í morgun að afgreiða umsóknir sem bárust um rekstrarstyrki.

    Með hliðsjón af afgreiðslu bæjarráðs gerir Markaðs- og menningarnefnd tillögu að öðrum menningarstyrkjum og vísar þeim til afgreiðslu bæjarráðs.

    Hanna Sigríður Ásgeirsdóttir óskar að bókað sé að hún vilji að meira jafnræðis sé gætt við styrkveitingar bæjarfélagsins til safna og viðburða í Fjallabyggð.     Bókun fundar Til máls tóku S. Guðrún Hauksdóttir, Helga Helgadóttir og Sigurður Valur Ásbjarnarson.
    Bæjarstjórn samþykkir samhljóða að vísa þessum dagskrárlið til bæjarráðs.
  • .4 1411038 Bæjarlistamaður Fjallabyggðar 2015
    Markaðs- og menningarnefnd Fjallabyggðar - 11. fundur - 20. nóvember 2014 Samkvæmt 3. grein reglna um tilnefningu bæjarlistamanns Fjallabyggðar skal Markaðs- og menningarnefnd auglýsa eftir umsóknum og/eða óska eftir rökstuddum ábendingum um bæjarlistamann, í bæjarblöðum og á heimasíðu Fjallabyggðar fyrir 25. nóvember ár hvert.

    Nefndin samþykkir að auglýsa eftir tilnefningu á bæjarlistamanni Fjallabyggðar 2015     Bókun fundar Afgreiðsla 11. fundar markaðs- og menningarnefndar staðfest á 109. fundi bæjarstjórnar með 7 atkvæðum.
  • .5 1410083 Rekstraryfirlit september 2014
    Markaðs- og menningarnefnd Fjallabyggðar - 11. fundur - 20. nóvember 2014 Rekstraryfirlit fyrstu níu mánuði ársins lagt fram til kynningar. Niðurstaða fyrir menningarmál er 46,8 millj. kr. sem er 95% af áætlun tímabilsins sem var 49,3 millj. kr.
    Niðurstaða fyrir atvinnu- og ferðamál er 12,5 millj. kr. sem er 96% af áætlun tímabilsins sem var 13,0 millj. kr.     Bókun fundar Afgreiðsla 11. fundar markaðs- og menningarnefndar staðfest á 109. fundi bæjarstjórnar með 7 atkvæðum.