Bæjarráð Fjallabyggðar - 360. fundur - 21. október 2014

Málsnúmer 1410006F

Vakta málsnúmer

Bæjarstjórn Fjallabyggðar - 108. fundur - 14.11.2014

Bæjarstjóri, Sigurður Valur Ásbjarnarson gerði grein fyrir fundargerð.
  • .1 1408015 Afgirt hundasvæði í Fjallabyggð
    Bæjarráð Fjallabyggðar - 360. fundur - 21. október 2014 Á 171. fundi skipulags- og umhverfisnefndar Fjallabyggðar var tekið fyrir erindi frá hundaeigendum er varðar afgirt svæði á Ólafsfirði.
    Búið er að afgreiða tillögu hundaeigenda um staðsetningu, en erindi þeirra um aðkomu bæjarfélagsins að girðingu var vísað til afgreiðslu bæjarráðs.

    Bæjarráð hvetur hundaeigendur í Fjallabyggð til að stofna félag sem kæmi fram fyrir hönd hundaeigenda.
    Í beinu framhaldi af stofnun þess verði fundin lausn á afgirtum svæðum.     Bókun fundar Afgreiðsla 360. fundar bæjarráðs staðfest á 108. fundi bæjarstjórnar með 7 atkvæðum.
  • .2 1410019 Erindi vegna hóps á vegum Háskóla Íslands
    Bæjarráð Fjallabyggðar - 360. fundur - 21. október 2014 Lögð fram fyrirspurn um gistingu nemenda frá Háskóla Íslands sem fengu aðstöðu í skólastofum við Hlíðarveg á Siglufirði og bendir Sæmundur Ámundason á að um sé að ræða samkeppni við gistiheimili á staðnum.
    Til frekari skýringar er rétt að draga fram neðanritað.
    Um var að ræða námsferð, með 65 nemenda á 3. ári náms í landfræði og ferðamálafræði. Megintilgangur námsferðar var að þjálfa nemendur í að vinna að sjálfstæðum rannsóknaverkefnum á sínu sviði og að nemendur kynnist aðstæðum í viðkomandi sveitarfélögum.

    Að hverju verkefni og skýrslu vinna tveir nemendur sem gagnast aðilum heima fyrir, enda varðar málin rekstur eða aðkomu sveitarfélaga.

    Skipuleggjendur lögðu áherslu á að skólinn hefði úr afar takmörkuðum fjármunum að spila.
    Lögð var áherslu á við bæjarfélagið að ná niður kostnaði, t.d. með því að leggja til húsnæði þar sem nemendur gætu gist og/eða haft vinnuaðstöðu þar sem hóparnir gætu athafnað sig.
    Þessi nálgun var forsenda þess að þeir kæmu til Fjallabyggðar.

    Bæjarráð vill taka fram að Fjallabyggð mun ekki vera í samkeppni við gistiheimili á staðnum.
    Þessi aðstoð við nemendur Háskóla Íslands var byggð á ofanritaðri nálgun, en rétt er að geta þess að veitingastaðir og verslanir nutu góðs af.     Bókun fundar Afgreiðsla 360. fundar bæjarráðs staðfest á 108. fundi bæjarstjórnar með 7 atkvæðum.
  • .3 1409060 Haustgöngur í Ólafsfirði
    Bæjarráð Fjallabyggðar - 360. fundur - 21. október 2014 Lagt fram bréf frá fjallskilastjóra dags. 13. september og einnig afgreiðsla 171. fundar skipulags- og umhverfisnefndar frá 24. september á haustöngum í Ólafsfirði.
    Erindinu er vísað til bæjarráðs til afgreiðslu.
    Um er að ræða að tveir ábúendur í Ólafsfirði slepptu á heimalönd sín utan girðingar öllu því fé sem þeir höfðu tekið í Reykjarétt eða um 500 kindum í trássi við aðra málsgrein 13. gr. lag V. kafla fjallskilasamþykktar nr. 173/10 febrúar 2011. Í gangnaboði var tekið fram að slíkar sleppingar væru óheimilar.
    Segir fjallskilastjóri starfi sínu lausu, þar sem ekki er farið að samþykktum bæjarfélagsins.

    Bæjarráð lýsir yfir vonbrigðum sínum með framferði ábúenda og felur deildarstjóra tæknideildar að beita þeim viðurlögum sem gilda er slík mál varðar.     Bókun fundar Til máls tóku Jón Valgeir Baldursson og Sigurður Valur Ásbjarnarson.
    Afgreiðsla 360. fundar bæjarráðs staðfest á 108. fundi bæjarstjórnar með 7 atkvæðum.
  • .4 1410028 Umsókn um styrk vegna aðstöðukostnaðar á gámi
    Bæjarráð Fjallabyggðar - 360. fundur - 21. október 2014 Skotfélagið óskar eftir styrk til að greiða kostnað við stöðuleyfi á gám félagsins 2014 eins og undanfarin ár.
    Áætlaður kostnaður er um 24 þúsund krónur.
    Bæjarráð samþykkir að vísa framkominni ósk til umfjöllunar í fræðslu- og frístundanefnd.     Bókun fundar Afgreiðsla 360. fundar bæjarráðs staðfest á 108. fundi bæjarstjórnar með 7 atkvæðum.
  • .5 1410029 Umsókn um styrk vegna geymslu á kastvélakerrum Skotfélagsins
    Bæjarráð Fjallabyggðar - 360. fundur - 21. október 2014 Skotfélag Ólafsfjarðar sækir um styrk til að standa undir kostnaði við geymslu undir kastvélar félagsins og annan búnað.
    Áætlaður kostnaður er um 65 þúsund krónur á ári.
    Bæjarráð samþykkir að vísa framkominni ósk til umfjöllunar í fræðslu- og frístundanefnd.     Bókun fundar Afgreiðsla 360. fundar bæjarráðs staðfest á 108. fundi bæjarstjórnar með 7 atkvæðum.
  • .6 1410037 Viðauki við verksamning um ræstingu Leikskólans Leikskála, Siglufirði
    Bæjarráð Fjallabyggðar - 360. fundur - 21. október 2014 Lagður fram viðauki við verksamning um ræstingu á viðbótarrými við leikskólann á Siglufirði. Um er að ræða þrif á 54,3 m2 og er áætlaður kostnaður um 38 þúsund krónur á mánuði.

    Bæjarráð leggur til við bæjarstjórn að umræddur viðauki sé samþykktur.     Bókun fundar Afgreiðsla 360. fundar bæjarráðs staðfest á 108. fundi bæjarstjórnar með 7 atkvæðum.
  • .7 1406011 Kosningar í trúnaðarstöður samkvæmt samþykktum
    Bæjarráð Fjallabyggðar - 360. fundur - 21. október 2014 Á síðasta fundi bæjarstjórnar var kosningu í Almannavarnarnefnd og vettvangsstjórnir vísað til bæjarráðs til fullnaðarafgreiðslu.
    Lögð var fram fundargerð frá 6. október 2014, en fundurinn var haldinn í fundarsal lögreglustöðvarinnar á Akureyri.
    Um er að ræða skipan og staðfestingu í neðantalið:
    Almannavarnarnefnd Eyjafjarðar.
    Aðalmaður verði Sigurður Valur Ásbjarnarson, bæjarstjóri.
    Varamaður verði Ólafur Þór Ólafsson deildarstjóri stjórnsýslu- og fjármála.

    Í vettvangsstjórn Fjallabyggðar verði:
    Fyrir Siglufjörð voru neðanritaðir skráðir.
    1. Ámundi Gunnarsson
    2. Ingvar Erlingsson
    3. Gestur Hansson
    4. Einar Áki Valsson
    5. Ómar Geirsson
    6. Elín Arnardóttir

    Bæjarráð staðfestir framkomnar tilnefningar.

    Fyrir Ólafsfjörð voru neðanritaðir skráðir.
    1. Þormóður Sigurðsson
    2. Gunnar Ásgrímsson
    3. Grétar Björnsson, er fluttur úr bæjarfélaginu og kemur Rúnar Gunnarsson í hans stað.
    4. Björg Traustadóttir

    Bæjarráð staðfestir framkomnar tilnefningar.

    Vettvangsstjórar verði.
    Kristján Hauksson er fluttur úr bæjarfélaginu og kemur Tómas Einarsson í hans stað.
    Ingvar Erlingsson
    Ármann V. Sigurðsson

    Bæjarráð staðfestir framkomnar tilnefningar.
    Kristjáni og Grétari eru þökkuð góð störf.

    Bæjarstjóra er falið að kalla vettvangsstjórnir til fundar hið fyrsta.
    Bæjarráð leggur áherslu á að vettvangsstjórar fari á námskeið fyrir áramót.     Bókun fundar Afgreiðsla 360. fundar bæjarráðs staðfest á 108. fundi bæjarstjórnar með 7 atkvæðum.
  • .8 1409082 Styrkumsókn - opnunartími á íþróttamannvirkjum - áhaldakaup
    Bæjarráð Fjallabyggðar - 360. fundur - 21. október 2014 Íþrótta- og tómstundafulltrúi mætti á fund bæjarráðs og fór yfir opnunartíma á sundstöðum bæjarfélagsins og íþróttamiðstöðva og upplýsti bæjarráð um ástæðu fyrir þeirri breytingu sem gerð var á opnunartíma sundlaugar í Ólafsfirði þrátt fyrir að bókun bæjarráðs hafi aðeins tekið til íþróttasalar.
    Bæjarráð leggur áherslu á að boðleiðir séu réttar.
    Bæjarráð vísar opnunartíma íþróttamiðstöðva til endurskoðunar við fjárhagsáætlunargerð 2015.     Bókun fundar Afgreiðsla 360. fundar bæjarráðs staðfest á 108. fundi bæjarstjórnar með 7 atkvæðum.
  • .9 1410044 Samstarf með Dalvíkurbyggð - tónskóli
    Bæjarráð Fjallabyggðar - 360. fundur - 21. október 2014 Hugsanleg sameining tónskóla Fjallabyggðar og Dalvíkurbyggðar var tekin til umræðu, sjá fundargerð fræðslu- og frístundanefndar frá 28. ágúst 2014.
    Skólastjóri Tónskóla Fjallabyggðar mætti á fundinn og fór yfir samning sem gerður var um slíka nálgun á Eyjafjarðarsvæðinu milli þriggja sveitarfélaga.     Bókun fundar Afgreiðsla 360. fundar bæjarráðs staðfest á 108. fundi bæjarstjórnar með 7 atkvæðum.
  • .10 1404008 Kirkjuvegur 4 Ólafsfirði
    Bæjarráð Fjallabyggðar - 360. fundur - 21. október 2014 Lagt fram bréf frá Minjastofnun Íslands dags. 9. október 2014. Í bréfi bæjarstjóra frá 9. júlí til Minjastofnunar er kallað eftir afstöðu húsafriðunarnefndar til varðveislu hússins við Kirkjuveg 4 Ólafsfirði.
    Bæjarráð felur deildarstjóra tæknideildar að tryggja að húsnæðið valdi ekki tjóni í vetur.
    Bæjarráð telur rétt að láta fara fram ástandsskoðun á eigninni hið fyrsta.
    Bæjarráð felur bæjarstjóra að sækja um styrk til Minjastofnunar til að greiða umrædda ástandsskoðun og áætlunargerðar um endurbyggingu hússins.     Bókun fundar Afgreiðsla 360. fundar bæjarráðs staðfest á 108. fundi bæjarstjórnar með 7 atkvæðum.
  • .11 1406040 Fjárhagsáætlun 2015 og 2016 - 2018
    Bæjarráð Fjallabyggðar - 360. fundur - 21. október 2014 Eftirfarandi punktar voru lagðir fram til umræðu í bæjarráði:
    1. Drög að útgönguspá fyrir árið 2014.
    2. Breytingar á gjaldskrá fyrir árið 2015.
    3. Nefndarlaun breytingar.
    4. Breytingar á húsaleigu.
    5. Lífeyrisskuldbindingar - breytingar á árinu 2014.
    6. Aðrar áherslur.     Bókun fundar Afgreiðsla 360. fundar bæjarráðs staðfest á 108. fundi bæjarstjórnar með 7 atkvæðum.
  • .12 1410043 Til umsagnar - Frumvarp til laga um framhaldsskóla, 214. mál.
    Bæjarráð Fjallabyggðar - 360. fundur - 21. október 2014 Í rafbréfi Allsherjar- og menntamálanefndar Alþingis, 17. október 2014 er frumvarp til laga um framhaldsskóla, 214. mál, sent til umsagnar. Bókun fundar Afgreiðsla 360. fundar bæjarráðs staðfest á 108. fundi bæjarstjórnar með 7 atkvæðum.
  • .13 1410022 Upplýsingar um framkvæmd verðhækkana
    Bæjarráð Fjallabyggðar - 360. fundur - 21. október 2014 Lagt fram bréf frá Forsætisráðuneytinu dags. 10. október 2014. Bókun fundar Afgreiðsla 360. fundar bæjarráðs staðfest á 108. fundi bæjarstjórnar með 7 atkvæðum.
  • .14 1410042 22. Ársþing SSNV 16 og 17. október 2014
    Bæjarráð Fjallabyggðar - 360. fundur - 21. október 2014 Lagt fram til kynningar. Bókun fundar Afgreiðsla 360. fundar bæjarráðs staðfest á 108. fundi bæjarstjórnar með 7 atkvæðum.
  • .15 1409068 Aðalfundur Eyþings 2014
    Bæjarráð Fjallabyggðar - 360. fundur - 21. október 2014 Lagt fram til kynningar. Bókun fundar Afgreiðsla 360. fundar bæjarráðs staðfest á 108. fundi bæjarstjórnar með 7 atkvæðum.
  • .16 1410010 Yfirlýsing í tengslum við kjarasamninga 2014
    Bæjarráð Fjallabyggðar - 360. fundur - 21. október 2014 Lagt fram til kynningar. Bókun fundar Afgreiðsla 360. fundar bæjarráðs staðfest á 108. fundi bæjarstjórnar með 7 atkvæðum.