Ástand húsa við Aðalgötu 6 og 6b á Siglufirði

Lagðar fram til kynningar athugasemdir íbúa í grennd við Aðalgötu 6 og 6b þar sem þeir lýsa yfir miklum áhyggjum af ástandi húsanna, Aðalgötu 6 og 6b eftir óveðrið sem gekk yfir í lok janúar. Múrhúð hrundi af Aðalgötu 6 og þakplötur fuku af Aðalgötu 6b sem skapaði mikla hættu í nágrenninu. Er óskað eftir því að send verði bréf til eigenda fyrrgreindra fasteigna þar sem þeir eru hvattir til að gera nauðsynlegar úrbætur á fasteignum sínum.

Tæknideild hefur sent eigendum Aðalgötu 6 og 6b úrbótabréf, þar sem þeim er gefinn frestur til þess að gera nauðsynlegar úrbætur á fasteignum sínum ella muni verða lagðar dagsektir á þá skv. gr. 2.9.2. í byggingarreglugerð nr. 112/2012.

Á 150. fundi nefndarinnar þann 6. febrúar síðastliðinn voru lagðar fram athugasemdir íbúa í grennd við Aðalgötu 6 og 6b þar sem þeir lýstu áhyggjum sínum af ástandi húsanna. Kom fram að tæknideild hafði sent eigendum fyrrgreindra húsa úrbótabréf þar sem eigendum var gefinn hæfilegur frestur til þess að gera nauðsynlegar úrbætur á fasteignum sínum ella yrði farið í frekari aðgerðir. Málið er nú tekið fyrir að nýju og leggur nefndin fram eftirfarandi bókun.

Vegna Aðalgötu 6

Lagt fram bréf eigenda Aðalgötu 8, dags 28. janúar 2013 og sýslumannsins á Siglufirði, dags. 29. janúar 2013 þar sem kvartað er undan hættu og frágangi húsanna nr. 6 og 6b við Aðalgötu. Lögð fram bréf tæknifulltrúa frá 1. febrúar 2013 og ítrekun frá 11. mars 2013 þar sem krafist er úrbóta að viðlögðum dagsektum. Einnig lagður fram tölvupóstur eiganda Aðalgötu 6 frá 2. maí 2013 þar sem fram kemur að hann sé að láta teikna upp klæðningar, muni óska samþykkta á því og hefja framkvæmdir í kjölfarið.

Í ljósi fyrirliggjandi svara eiganda er óskað eftir að eigandi hússins leggi fram, innan tveggja vikna, tímasetta áætlun um hvenær framkvæmdir hefjist við lagfæringar húsinu og hvenær þeim verði lokið. Jafnframt verði gerð grein fyrir því í hverju lagfæringarnar eiga að felast og hvernig öryggi verði tryggt fram til þess tíma að hafist verður handa við framkvæmdir. Berist ekki slík áætlun innan þess tíma verður málið á ný tekið fyrir nefndina og tekin ákvörðun um hvort rétt sé að leggja dagsektir á eiganda eða beita öðrum úrræðum laga um mannvirki s.s. framkvæmdum á kostnað eiganda. Verður eiganda í kjölfarið gefinn stuttur frestur til að tjá sig um mögulega álagningu og fjárhæð dagsekta eða framkvæmdir á kostnað eiganda. Að mati nefndarinnar er nauðsynlegt að gengið verði frá húsinu fyrir veturinn til að ekki hljótist tjón eða skapist frekari hætta vegna þess.

Vegna Aðalgötu 6b

Lagt fram bréf eigenda Aðalgötu 8, dags 28. janúar 2013 og sýslumannsins á Siglufirði, dags. 29. janúar 2013 þar sem kvartað er undan hættu og frágangi húsanna nr. 6 og 6b við Aðalgötu. Lögð fram bréf tæknifulltrúa frá 1. febrúar 2013 og ítrekun frá 11. mars 2013 þar sem krafist er úrbóta að viðlögðum dagsektum. Þá er lagður fram tölvupóstur forsvarsmanns eiganda Aðalgötu 6b frá 21. mars 2013, þar sem m.a. er kvartað undan fyrirvaralausum hótunum um beitingu dagsekta og óskað eftir viðræðum við sveitarfélagið um málið. Jafnframt lagður fram tölvupóstur frá Berg ehf., dags. 26. maí 2013, þar sem fram kemur að félagið muni ráðast í viðgerð á þaki iðnaðarskemmu í sumar.

Í ljósi fyrirliggjandi svara eiganda og verktaka er óskað eftir að eigandi hússins leggi fram, innan tveggja vikna, tímasetta áætlun um hvenær framkvæmdir hefjist við lagfæringar húsinu og hvenær þeim verði lokið. Jafnframt verði gerð grein fyrir því í hverju lagfæringarnar eiga að felast og hvernig öryggi verði tryggt fram til þess tíma að hafist verður handa við framkvæmdir. Berist ekki slík áætlun innan þess tíma verður málið á ný tekið fyrir nefndina og tekin ákvörðun um hvort rétt sé að leggja dagsektir á eiganda eða beita öðrum úrræðum laga um mannvirki s.s. framkvæmdum á kostnað eiganda. Verður eiganda í kjölfarið gefinn stuttur frestur til að tjá sig um mögulega álagningu og fjárhæð dagsekta eða framkvæmdir á kostnað eiganda. Að mati nefndarinnar er nauðsynlegt að gengið verði frá húsinu fyrir veturinn til að ekki hljótist tjón eða skapist frekari hætta vegna þess.

Á 155. fundi nefndarinnar krafðist nefndin þess að eigendur fasteignanna Aðalgata 6 og 6b myndu skila inn tímasettri áætlun um hvenær framkvæmdir hefjist við lagfæringar á húsunum og hvenær þeim verði lokið. Einnig verði gerð grein fyrir því í hverju lagfæringarnar felist og hvernig öryggi verði tryggt fram til þess tíma að hafist verði handa við framkvæmdir. Berist slík áætlun ekki innan tveggja vikna taki nefndin ákvörðun um hvort rétt sé að leggja á dagsektir eða beita öðrum úrræðum laga um mannvirki.

Nú er tímafresturinn liðinn og tekur nefndin málið fyrir á nýjan leik.

Aðalgata 6

Ekki hefur borist nein áætlun frá eiganda Aðalgötu 6. Tæknideild leggur því til að lagðar verði á dagsektir að upphæð 10.000 kr. fyrir hvern dag frá og með 8. júlí 2013. Eiganda er gefinn kostur á að tjá sig um álagðar dagsektir fyrir 8. júlí.

Aðalgata 6b

Borist hefur tímasett áætlun frá eiganda Aðalgötu 6b um úrbætur á fasteigninni. Tæknideild leggur því til að ekki verði aðhafst frekar í málinu að svo stöddu.

Erindi samþykkt.

Óskað er eftir að bæjarráð, f.h. bæjarstjórnar staðfesti bókun 156. fundar skipulags- og umhverfisnefndar á málinu "Ástand húsa við Aðalgötu 6 og 6b á Siglufirði", en þar samþykkti nefndin að leggja á dagsektir á eiganda fasteignarinnar að Aðalgötu 6.

Bæjarráð samþykkir tillögur skipulags- og umhverfisnefndar einróma.

Á 156. fundi nefndarinnar var ákveðið að leggja dagsektir á eignina Aðalgötu 6 að upphæð 10.000 kr. fyrir hvern dag frá og með 8. júlí. Eigenda var gefinn kostur á því að tjá sig um álagðar dagsektir fyrir 8. júlí.

Borist hefur svar frá eigenda Aðalgötu 6 þar sem hann leggur fram upplýsingar um fyrirhugðar framkvæmdir á eigninni.

Nefndin samþykkir að fresta dagsektum þar sem fyrir liggur áætlun eiganda um að viðgerðum verði lokið fyrir 15 ágúst, ef svo verður ekki verða lagðar á dagsektir.

Á 157. fundi nefndarinnar var ákveðið að fresta fyrirhuguðum dagsektum á eiganda fasteignarinnar að Aðalgötu 6 vegna þess að fyrirliggjandi var áætlun eigenda um að nauðsynlegum endurbótum yrði lokið fyrir 15. ágúst.

Nú í dag, 18. september, hefur ekkert verið framkvæmt af verkáætluninni sem eigandinn lagði fram.

Því samþykkir nefndin að leggja dagsektir á fasteignina Aðalgata 6 Siglufirði að upphæð kr. 10.000 sem byrja að telja frá og með mánudeginum 23. september næstkomandi.