Akstursþjónusta fyrir Fjallabyggð

Jón Helgi Ingimarsson hefur fest kaup á fjölnota bíl sem hentar m.a. til að þjónusta Fjallabyggð. Nefnir hann m.a. félagsþjónustu, skóla og fleira.

Auk þess er hann tilbúinn til að kaupa bifreið Fjallabyggðar sem er sambærileg og er tilbúinn að bjóða í allan akstur á vegum bæjarfélagsins.

Bæjarráð telur rétt að kanna málið og óskar eftir umsögn fræðslu- og félagsmálanefndar um þörf og fyrirkomulag aksturs.
Verði það niðurstaðan að kaupa akstursþjónustu þá verði um útboð að ræða.

Fyrir liggur samantekt félagsmálastjóra um akstursþjónustu, eins og hún snýr að verkefnum tengdum þjónustu við fatlaða og aldraða.  Félagsmálanefnd leggur til að akstursþjónustan verði boðin út en ákvörðun um sölu á bifreiðinni, VW Caravelle YL-131, verði tekin í framhaldi af útboðinu.  Starfsmönnum félagsþjónustunnar falið að útfæra nánar þarfagreiningu á þjónustuakstri fatlaðra og aldraðra.

Fyrir liggur samantekt félagsmálastjóra frá 14. apríl 2011 um akstursþjónustu Fjallabyggðar, eins og hún snýr að verkefnum tengdum þjónustu við fatlaða og aldraða. 

Bæjarráð hafði áður óskað eftir umsögn um þörf og fyrirkomulag akstursþjónustu á vegum Fjallabyggðar.

Félagsmálanefnd hefur fjallað um málið og leggur til að akstursþjónustan verði boðin út en ákvörðun um sölu á bifreiðinni, VW Caravelle YL-131, verði tekin í framhaldi af útboðinu.  Félagsmálanefnd fól starfsmönnum félagsþjónustunnar að útfæra nánar þarfagreiningu á þjónustuakstri fatlaðra og aldraðra.

Málið er tvíþætt að mati félagsmálastjóra.

Annars vegar núverandi þjónusta er tengist málefnum aldraðra í Skálahlíð og aksturs yngri bekkja grunnskólans í skólasund.

Hins vegar vaxandi kröfur, sjá ferliþjónustu 34. gr. laga nr. 59/1982 um málefni fatlaðra og 13. gr. laga nr. 125/1999 um málefni aldraðra.

Bæjarráð samþykkir að þegar fyrir liggur þarfagreining á þjónustuakstri fatlaðra og aldraðra verði gerð verðkönnun um akstursþjónustu. 

Lagðar fram niðurstöður úr verðkönnun vegna akstursþjónustu fyrir félagsþjónustu Fjallabyggðar og akstur 4. bekkjar grunnskólans í íþróttahúsið á Siglufriði.
Svör bárust frá Norðurfrakt ehf. kr. 2.112.000 og Suðurleiðum ehf.  kr. 8.840.000. 
Félagsmálanefnd leggur til að akstursfyrirkomulagið verði óbreytt að svo stöddu.