Norðurgata 5, Siglufjörður

Jón Hólm Pálsson óskar eftir að gera breytingar á húseigninni að Norðurgötu 5 skv. meðfylgjandi teikningum.

Nefndin samþykkir erindið með fyrirvara um að Húsafriðunarnefnd geri ekki athugasemdir. Húsið er byggt 1913 og þar af leiðandi fellur það undir lög um húsafriðun.

Erindi hefur borist frá Húsafriðunarnefnd varðandi Norðurgötu 5, Siglufirði.  Húsafriðunarnefnd var send til umsagnar umsókn um breytingar á húsinu við Norðurgötu 5, breytingar á gluggum.  Niðurstaða Húsafriðunarnefndar er að umbeðnar breytingar á gluggum séu ekki taldar ásættanlegar.  Mælst er til þess að skoðað verði hvernig gluggar voru á þessu húsi upphaflega og að þannig verði leitast við að færa ytra byrði hússins nær uppruna sínum að stíl og gerð.  Jafnframt er vísað á leiðbeiningarrit Húsafriðunarnefndar um endurbætur á eldri húsum á heimsíðu nefndarinnar, husafridun.is.

Byggingarfulltrúa er falið að ræða við eigendur og kynna þeim niðurstöður fundar.