Skipulags- og umhverfisnefnd Fjallabyggðar

Ingi Vignir Gunnlaugsson dýraeftirlitsmaður Fjallabyggðar mætti á fundinn.  Farið var yfir  búfjárhald í Fjallabyggð, og lögð fram tillaga Inga Vignis að eyðublaði fyrir umsókn um búfjarhald.

Samþykkt er framlagt eyðublað og er dýraeftirlitsmanni Fjallabyggðar falið að sjá um að koma eyðublaði til viðkomandi aðila.

Örlygur Kristfinnsson fyrir hönd Síldarminjasafns Íslands óskar eftir að lokið verði við viðgerð lóðarinnar við Háveg 60, strax og kostur er.

Nefndin leggur áherslu á að verkið verði unnið við fyrsta tækifæri næsta vor í samráði við eigendur og í samræmi við bréf dagsett 4. júní 2009.

Björn Steinar Sveinsson sækir um leyfi til að gera skýli undir svölum samkvæmt meðfylgjandi teikningu.

Erindi frestað, óskað er eftir ítarlegri gögnum.

Erindi hefur borist frá Húsafriðunarnefnd varðandi Norðurgötu 5, Siglufirði.  Húsafriðunarnefnd var send til umsagnar umsókn um breytingar á húsinu við Norðurgötu 5, breytingar á gluggum.  Niðurstaða Húsafriðunarnefndar er að umbeðnar breytingar á gluggum séu ekki taldar ásættanlegar.  Mælst er til þess að skoðað verði hvernig gluggar voru á þessu húsi upphaflega og að þannig verði leitast við að færa ytra byrði hússins nær uppruna sínum að stíl og gerð.  Jafnframt er vísað á leiðbeiningarrit Húsafriðunarnefndar um endurbætur á eldri húsum á heimsíðu nefndarinnar, husafridun.is.

Byggingarfulltrúa er falið að ræða við eigendur og kynna þeim niðurstöður fundar.

Starfandi lögreglumenn á norðanverðum Tröllaskaga skora á bæjaryfirvöld í Fjallabyggð að beita sér fyrir því að settir verði niður ljósastaurar á vegarkaflanum í Héðinsfirði.  Hættan sem verið er að skírskota til er skafrenningur sem byrgir sýn manna á þessum óupplýsta vegarkafla.

Nefndin þakkar ábendinguna og leggur til að vísa umræðunni í vinnu við umferðaröryggisáætlun Fjallabyggðar.

Haraldur Marteinsson sækir um beitarhólf fyrir hesta sunnan við Selgil í Siglufirði sbr. meðfylgjandi mynd. 

Niðurstaða nefndarinnar eftir framkomið erindi er að nefndin telur rétt að boða stjórn hestamannafélagsins til fundar til að ræða hugmynd og tillögu að úthluta félaginu svæðum til beitar og að stjórn hestamannafélagsins úthluti beitarhólfum til félagsmanna.

Umræður  voru um skipulagsmál um svæðið milli Bylgjubyggðar og frístundabyggðar við Ólafsfjarðavatn, lagt var fram staðfest breyting á aðalskipulagi Ólafsfjarðar 1990 - 2010 dags. 2. febrúar 2007.  Einnig voru lagðir fram 2 uppdrættir af svæðinu annarsvegar dagsettum 11.07 2005 og hins vegar 07.02. 2005.  Nefndin er sammála um að auglýsa uppdrátt dagsett 07.02. 2005, Frístundabyggð við Hornbrekkubót skv. 25. gr. skipulags- og byggingarlaga.  Svæðið sem um ræðir er uþb. 2.2 ha lands og afmarkast af Bylgjubyggð í norðri, Ólafsfjarðarvegi eystri í austri, raðhúsabyggð í vestri og Ólafsfjarðarvatni í suðri.  Markmið tillögunnar er að stuðla að uppbyggingu svæðisins og gefa því heildstætt yfirbragð, tryggja aðkomuleiðir og tengsl við nánasta umhverfi ss. útivistar og íþróttasvæði. 

Hönnuði falið að ganga frá uppdrætti til auglýsingar.

Umferðarstofa hefur sent drög að samstarfssamning milli Fjallabyggðar og Umferðarstofu sem felur í sér að Fjallabyggð skuldbindur sig til að gera sérstaka umferðaröryggisáætlun sem miðar að auknu umferðaröryggi í bæjarfélaginu.

Erindi samþykkt.

Bæjarstjóri lagði fram til kynningar gatnagerðargjöld fyrir þéttbýli.

Lagt fram til kynningar gjaldskrá fyrir gatnagerðargjöld og rotþrær i frístundabyggðum.  Afgreiðslu frestað til næsta fundar.

Ari Trausti Guðmundsson óskar eftir upplýsingum um möguleika á að reisa sumarbústað í frístundabyggð í Siglufirði.

Lagt fram til kynningar, nefndin mun svara erindinu eftir næsta fund.

Lýsing hf. óskar eftir því að steypustöð sem er í eigu félagsins og notuð var við gerð Héðinsfjarðargangna fái að standa áfram á svæðinu.

Erindi samþykkt með leyfi til 30. maí 2011.

Umhverfisráðuneytið vill vekja athygli sveitarfélaga sem liggja að ströndinni á þeirri umræðu sem er á alþjóðavettvangi um áhrif rusls og úrgangs á lífríki hafs og stranda, skaðsemi þess og kostnað vegna hreinsunar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.

Lagt fram til kynningar.