Skipulags- og umhverfisnefnd Fjallabyggðar

Sigurður Helgason frá umferðarstofu mætti á fundinn og kynnti umferðaröryggisáætlun sveitarfélaga og aðkomu umferðarstofu að slíkri vinnu.

Lögð er fram tillaga að deiliskipulag frístundasvæðis vestan óss í Ólafsfirði.

Erindi frestað til næsta fundar.

Sigurjón Pálsson óskar eftir leyfi til að gera breytingar á fasteigninni að Grundargötu 9, skv. meðfylgjandi teikningum.  Endurnýja glugga, setja hurð á suðurhlið hússins, kvistar settir á þak og flóttaleiðir út af risi.

Erindi samþykkt en nefndin bendir á að æskilegt væri að halda upprunalegu útliti glugga.

Þorsteinn Jóhannsson vill vekja athygli á staðsetningu og frágangi hraðahindrunar á þjóðvegi móts við kirkjugarð, þar sem ekið er inn í Siglufjörð frá Héðinsfjarðargöngum. 

í framhaldi af framkominni ábendingu óskar nefndin eftir skoðun Vegagerðarinnar.

Lögð er fram til kynningar hönnun Birkis Einarssonar af 1. áfanga við kirkjugarð Siglufjarðar við Ráeyrarveg.

Send hefur verið ítrekun til sóknarnefndar Siglufjarðarkirkju um viðræður vegna framkvæmda við 1. áfanga kirkjugarðsins.

Fyrir hönd Herhúsfélagsins óska Ásta J. Kristjánsdóttir og Guðný Róbertsdóttir eftir að fá lóðarmörk skv. aðalskipulagi milli Herhússins, Norðurgötu 7b og lóðar hússins við Norðurgötu 5.  Ennfremur er sótt um að fá afnot af lóð sem er í eigu bæjarins fyrir framtíðarstarfsemi félagsins, lóðina sem afmarkast af lóðarlínum: Grundargötu 8, Norðurgötu 3 og Norðurgötu 5.

Nefndin leggur til að lóðin verði afmörkuð samkvæmt teikningu nr. 902805, dags. maí 2009  sem fyrst.

Nefndin óskar eftir hugmyndum Herhúsfélagsins um nýtingu af umbeðinni lóð.

Jón Hólm Pálsson óskar eftir að gera breytingar á húseigninni að Norðurgötu 5 skv. meðfylgjandi teikningum.

Nefndin samþykkir erindið með fyrirvara um að Húsafriðunarnefnd geri ekki athugasemdir. Húsið er byggt 1913 og þar af leiðandi fellur það undir lög um húsafriðun.

Undir þessum lið véku Elín Þorsteinsdóttir, Ingibjörg Magnúsdóttir og Valur Þór Hilmarsson af fundi.

Nefndin fór yfir 15 umsóknir og eftir ýtarlega yfirferð ákvað nefndin að kalla 7 aðila í viðtal og felur formanni nefndarinnar, forseta bæjarstjórnar og bæjarstjóra að ræða við þessa 7 umsækjendur.

Bæjarstjóri kynnti hugmynd að vinnu vegna fjárhagsáætlunar 2011.

Sigurjón Magnússon hefur keypt skrifstofu og staka einingu Háfells á Ólafsfirði, og óskar eftir leyfi til að einingarnar sem staðsettar eru á flugvelli í Ólafsfirði fái að standa lengur upp á staðnum, eða í seinasta lagi til 30. ágúst 2011.  Gengið verður frá svæði undir einingunum þegar þær hafa verið fjarlægðar.

Erindi samþykkt.

Svala G. Lúðvíksdóttir óskar eftir leyfi til að hafa hænur og endur í garðhúsi sínu að Hvanneyrarbraut 6, Siglufirði.

Samþykkt er að umsóknin fari í grenndarkynningu eigendum eftirtalinna húseigna:  Hvanneyrarbraut 2, 3b og 5b, Túngata 9 og 11 og Eyrargata 25, 27 og 29.

Eiríksína Kr. Ásgrímsdóttir og Ólafía Hrönn Jónsdóttir sækja um að eign þeirra að Eyrargötu 2, Siglufirði verði færð úr B flokki fasteignagjalda yfir í A flokk. 

Erindi samþykkt en óskað er eftir nýjum teikningu af innra skipulagi hússins.

Bæjarráð samþykkti á 177. fundi sínum að svæði við Túngötu á Siglufirði færi í grenndarkynningu, þar sem blak klúbbar á Siglufirði höfðu óskað eftir að byggja upp sandblakvöll.  Grenndarkynningu er lokið og komu engar athugasemdir.

Samþykkt.

Jón Hólm Hafsteinsson og Hanna Björg Hólm óska eftir nýjum lóðaleigusamningum, Hanna Björg fyrir Vallargötu 7 og Jón Hólm fyrir Hvanneyrarbraut 17. 

Erindi samþykkt.

Guðbrandur J. Ólafsson og Sigríður E. Ólafsdóttir Eyrargötu 8 óska eftir leyfi til að setja svalir á vesturhlið húseignar og endurnýja klæðningu skv. meðfylgjandi teikningum.

Erindi samþykkt.

Pálína Pálsdóttir fyrir hönd SR Byggingarvörur ehf óskar eftir að fá að setja 3 skilti á ljósastaura í Siglufirði.  Á horni Eyrargötu og Túngötu, á horni Aðalgötu og Vetrarbrautar og á horni Gránugötu og Vetrarbrautar.

Erindi samþykkt.

Lagt fram til kynningar.