Vel heppnuð tónlistarhátíð

Það er Jassklúbbur Ólafsfjarðar, með þá Gísla Rúnar Gylfason og Magnús G. Ólafsson í fararbroddi, sem skipuleggur hátíðina. Að þessu sinni voru tónleikar fimmtudag, föstudag og laugardag. Hátíðin hófst á fimmtudagskvöldið með tónleikum Olga Vocal Esemble og lauk svo á laugardagskvöldið með glæsilegum tónleikum þar sem m.a. Björn Thoroddsen gítarleikari fór á kostum. Á laugardeginum var útimarkaður við Tjarnarborg og ungir tónlistarmenn stigu á stokk. Útvarp Trölli var með beina útsendingu frá staðnum og góð stemmning var á Ólafsfirði enda "veðurguðirnir" í einstaklega góðu skapi. Hefur svo verið í 14 skiptum af 15 sem hátíðin hefur farið fram. Nánari umfjöllun og myndir má sjá á heimsíðunni www.625.is 

Útimarkaður var starfræktur við Tjarnaborg í tengslum við Blúshátíðina.

Ungir tónlistarmenn skemmtu gestum og gangandi við Tjarnaborg á laugardeginum.

Útvarp Trölli fm 103,7 var með beina útsendingu frá Tjarnaborg á laugardaginn.

Jón Már og Árni Freyr stigu á svið og komu einnig fram á tónleikunum á laugardagskvöldið.

Franska listakonan Julie Seiller lék eigin tónlist. Hún hefur dvalið í Listhúsinu í Ólafsfirði.
Mynd: Alice Liu.

Olga Vocal Esemble voru með tónleika á fimmtudagskvöldið.

Gísli Rúnar Gylfason stjórnandi Búshátíðarinnar í 15. sinn.
Mynd: Alice Liu.