Fjallabyggð hefur látið taka út rekstur fræðslustofnana og þjónustumiðstöðva sveitarfélagsins. Niðurstöður og
tillögur ráðgjafa hafa nú verið birtar á vefnum.
Ráðgjafar á vegum Símenntunar rannsókna og ráðgjafar Menntavísindasviðs Háskóla Íslands unnu að úttektinni á fræðslustofnunum en ráðgjafi frá
Stjórnsýsluráðgjöf ehf. vann úttektina á þjónustumiðstöðvunum. Skýrslurnar verða hafðar til hliðsjónar
við ákvarðanatöku um framtíð þess rekstrar sem þær hvor um sig ná til. Tekið skal fram að engar endanlegar ákvarðanir hafa
verið teknar um það hvort, eða að hvaða marki, tillögum ráðgjafanna verður fylgt.