Tillaga að óverulegri breytingu á Aðalskipulagi Siglufjarðar 2003-2023.

Bæjarstjórn Fjallabyggðar samþykkti á fundi sínum 17. mars 2009 að auglýsa tillögu að óverulegri breytingu á Aðalskipulagi Siglufjarðar 2003-2023 og auglýsist hún hér með.  Tillagan er auglýst með vísan til 2. mgr. 21. gr. skipulags- og byggingarlaga nr. 73/1997 m.s.br.

Aðalskipulagsbreytingin gerir ráð fyrir að 603 m² lóð á horni Þormóðsgötu og Norðurgötu sem nú er skilgreind sem athafnasvæði verði skilgreind sem iðnaðarsvæði.  Þar gerir Rarik ráð fyrir að reisa spennistöð.

Skipulagstillagan verður til sýnis á bæjarskrifstofum Fjallabyggðar, Gránugötu 24 á Siglufirði og Ólafsvegi 4 í Ólafsfirði frá kl. 8.00 til 16.00 alla virka daga frá 20. apríl 2009 til 11. maí 2009.  Tillagan er einnig til sýnis í sýningarrými Skipulagsstofnunar að Laugavegi 166, Reykjavík.

Þeir sem vilja gera athugasemd við tillöguna skulu gera það með skriflegum hætti í síðasta lagi fyrir kl. 16:00 mánudaginn 11. maí 2009.  Hægt er að skoða skipulagstillöguna hér. Hver sá sem ekki gerir athugasemd við tillögu þessa innan tilskilins frests telst samþykkur henni.

Skipulags- og byggingarfulltrúi Fjallabyggðar