Allt útlit er nú fyrir að boðað verkfall Félags leikskólakennara (FL) komi
til framkvæmda n.k. mánudag.
Samkvæmt túlkun FL er ekki heimilt að halda opnum deildum þar sem deildarstjóri fer
í verkfall. Í Fjallabyggð eru allir deildarstjórar í FL og því verður engin deild opin í leikskóla Fjallabyggðar
á meðan á verkfalli stendur nema úrskurður um annað liggi fyrir.
Við vonum í lengstu lög að samningar takist áður en til verkfalls kemur og eru
forráðamenn barna í leikskólanum því hvattir til að fylgjast vel með fréttum af samningaviðræðum og tilkynningum á
heimasíðum Leikhóla og Leikskála um þróun mála.
Olga Gísladóttir, skólastjóri Leikskóla Fjallabyggðar
