Sápuboltinn á Ólafsfirði 2022 dagana 15. – 17. júlí

Sápuboltinn á Ólafsfirði 15 - 17. júlí 2022

Bráðskemmtileg hátíð sem hentar öllum aldurshópum. Hver elskar ekki að horfa á aðra detta, klæða sig í búning og hafa gaman í góðra vina hópi. Haldir ykkur hreinum í sumar og rennið norður 15. júlí.

Á mótinu spila fjórir saman í liði og engin takmörk eru á skiptimönnum. Mótið fer fram á dúk sem er 15x20 að stærð og notast er við handboltamörk. Liðin eru hvött til þess að mæta í búningum en veitt verða verðlaun fyrir flottasta búninginn ásamt öðrum skemmtilegum viðurkenningum á lokahófi Sápuboltans sem fer fram samdægurs. Þegar líða fer að kveldi tekur við skemmtun fram eftir nóttu.

Dagskrá

Föstudagur

15. júlí

16:00 - 18:00

Krakka sápubolti fyrir 6-17 ára. Síminn mætir á símabílnum og verður með tónlist og allskonar gefins hluti fyrir krakkana. (Aldursskipt verður á völlum og krakkar undir 10 ára þurfa að vera í fylgd með forráðamönnum)

20:30 - 21:30

Dregið í riðla fyrir sápuboltann

22:00 - 01:30

Jói P og Króli halda uppi fjörinu (Miðar seldir í hurð 4.000 kr.)

Laugardagur

16. júlí

11:40

Skrúðganga frá MTR

12:00

Sápuboltamótið 2022 hefst, Síminn verður á svæðinu með tónlist og stemningu

20:00 - 22:00

Útiskemmtun við Tjarnarborg - Verðlaun veitt fyrir afrek dagsins, Jói p og Króli ofl. spila fyrir gesti.

23:00 - 03:00

Séra Bjössi, Sprite Zero Klan og Húgó í Tjarnarborg (Miðar seldir í hurð 5.500 kr.)