Samningur um stofnstyrk vegna uppbyggingar Salthússins á Siglufirði

28.10.2016
Illugi Gunnarsson og Aníta Elefsen
Illugi Gunnarsson og Aníta Elefsen

Illugi Gunnarsson, mennta- og menningarmálaráðherra og Aníta Elefsen, safnstjóri Síldarminjasafns Íslands undirrituðu í vikunni samning um stofnstyrk til að fjármagna hluta kostnaðar við uppbyggingu á svonefndu Salthúsi á byggingasvæði safnsins.

Salthúsið verður öðru fremur ætlað til varðveislu muna í eigu safnsins með aðstöðu fyrir skráningu, forvörslu og tengdra verkefna, auk þess sem þriðjungur hússins verður notaður fyrir sýningar, safnverslun og gestamóttöku, t.d. með fyrirlestrarsal.
Styrkurinn nemur 35.000.000 kr og greiðist á fjórum árum, fyrsta greiðsla árið 2017 og lokagreiðsla árið 2020.

Á myndinni má sjá mennta- og menningarmálaráðherra og Anítu Elefsen, safnstjóra Síldarminjasafns Íslands, við undirritunina.

Sílarminjasafnið

Á meðfylgjandi mynd má sjá starfsfólk safnsins og hluta stjórnarmanna ásamt mennta- og menningarmálaráðherra.
Örlygur Kristfinnsson, Steinunn M. Sveinsdóttir, Illugi Gunnarsson, Anita Elefsen, Guðmundur Skarphéðinsson og Gunnar Júlíusson.

Til baka