Rótarýdagurinn í Ólafsfirði 24. febrúar

Rótarýdagurinn verður þann 24. febrúar nk. Af því tilefni verður Rótarýklúbbur Ólafsfjarðar með dagskrá á Hornbrekku, dvalarheimili aldraðra í Ólafsfirði og hefst hún kl. 14:45.

Dagskrá dagsins:

• Kynning á Rótarýhreyfingunni og samfélagsstarfi klúbbsins.  Erindi stutt ljósmyndum á tjaldi, í umsjá stjórnar klúbbsins og Rótarýdagsnefndar.
• Kaffisamsæti með heimilisfólki, starfsfólki og gestum í boði klúbbsins. Rótarýdagsnefnd afhendir heimilinu gjafir.
• Fjárstyrkur til Pálshúss (Safnahússins í Ólafsfirði)  afhentur, farið yfir vinnuframlag klúbbfélaga í þágu hússins.
• Fjárstyrkur til Team Rynkeby vegna krabbameinssjúkra barna.  Tilefnið árleg hjólreiða og söfnunarferð þeirra frá Kaupmannahöfn til Parísar.  Haukur Sigurðsson félagi í kúbbnum og liðsmaður í Team Rikkeby mun veita honum viðtöku.

Eftir styrkveitingarnar verður tónlistarflutningur í umsjá Ave Köru Sillaots tónlistarkennara.

Fyrirhugað er að klúbburinn beri út kynningarbæklinga um Rótarýhreyfinguna í öll heimili í Ólafsfirði.