Ráðstefna um tækifæri í sögutengdri ferðaþjónustu

Mynd: Markaðsstofa Norðurlands

Ráðstefna um tækifæri í sögutengdri ferðaþjónustu verður haldin 21. nóvember kl 13:00 – 15:30 á Kea hótel Akureyri.

Markaðsstofa Norðurlands hefur undanfarið ár unnið að greiningu á mögulegum tækifærum í sögutengdri ferðaþjónustu á Norðurlandi.  Með tilkomu styrks frá Ferðamálastofu var hægt að fara í þessa greiningarvinnu. 

Á ráðstefnunni verða kynntar tvær rannsóknir sem gerðar voru síðastliðið sumar. Kynnt verður rannsókn RRF, sem byggir á Dear Visitor rannsókn sem gerð er í Leifstöð.  Síðan mun Vera Vilhjálmsdóttir sérfræðingur hjá RMF, kynna rannsókn sem gerð var í sumar á nokkrum söfnum, setrum og sýningum á Norðurlandi, þar sem gestir voru meðal annars spurðir um upplifun þeirra og hvar þau fengu upplýsingar um þessa viðkomustaði, svo eitthvað sé nefnt.

Að þessu loknu verður boðið upp á fjögur erindi um sögutengda ferðaþjónustu:

• Menning og saga í landkynningu
  Inga Hlín Pálsdóttir - forstöðumaður Áfangastaðarins Ísland – Íslandsstofa
• Að nálgast erlenda ferðamenn
  Aníta Elefsen - Safnastjóri – Síldarminjasafnsins
• Þróun upplifunar – Nýting á gagnvirkum sýndarveruleika
  Áskell Heiðar Ásgeirsson – Framkvæmdastjóri – 1238 Sauðárkrókur
• Uppbygging við Þrístapa
  Einar K. Jónsson - Sveitarstjóri – Húnavatnshreppur

Markaðsstofan hvetur alla þá sem hafa áhuga og vilja kynna sér tækifæri í sögutengdri ferðaþjónustu að skrá sig hér: https://www.northiceland.is/is/moya/formbuilder/index/index/skraning-a-radstefnu-um-sogutengda-ferdathjonustu

Nánari upplýsingar um ráðstefnuna gefur Björn H Reynisson, bjorn@nordurland.is eða í síma 462 3300.

Frétt af vef Markaðsstofu Norðurlands