Fjallabyggð vill vekja athygli íbúa á nafnasamkeppni, vegna stofnunar nýrra landshlutasamtaka á Norðurlandi eystra.
Í nóvember síðast liðinn samþykktu EYÞING, Atvinnuþróunarfélag Eyjafjarðar og Atvinnuþróunarfélag Þingeyinga sameiningu félaganna þriggja undir hatti nýrra samtaka. Þessi samtök atvinnuþróunar og sveitarfélaga á Norðurlandi eystra efna hér með til nafnasamkeppni um heiti félagsins. Íbúar á svæðinu eru hvattir til að taka þátt í samkeppninni og finna hentugt og sterkt nafn á félagið. Ekki myndi það spilla ef heitið hefði skírskotun til starfssvæðisins og/eða gæfi með einhverjum hætti til kynna samstarf sveitarfélaganna á svæðinu. Tillögum að heiti félagsins skal skilað inn fyrir kl. 16:00 föstudaginn 10. janúar 2020. Nafnasamkeppnina má nálgast hér.
Frétt er aðsend.
Mynd af heimasíðu Eyþing.