Leikskóli Fjallabyggðar auglýsir eftir deildarstjórum

Leikskóli Fjallabyggðar, sem starfar í tveimur byggðarkjörnum, Ólafsfirði og Siglufirði, leitar að öflugum og metnaðarfullum einstaklingum til að gegna stöðu deildarstjóra. Við leggjum ríka áherslu á nám í gegnum leik og hreyfingu, þar sem einkunnarorðin okkar eru Kraftur – Sköpun – Lífsgleði.

Á Leikhólum Ólafsfirði eru 50 nemendur á þremur deildum, en á Leikskálum Siglufirði eru 70–80 nemendur á fimm deildum.

Lausar stöður:
Deildarstjórar við leikskólann

Menntunar- og hæfniskröfur:

• Leyfisbréf til kennslu
• Æskilegt er að umsækjandi hafi reynslu af uppeldis- og kennslustörfum með ungum börnum
• Lipurð og hæfni í mannlegum samskiptum
• Frumkvæði í starfi og faglegur metnaður
• Áhugi á fræðslu barna og velferð þeirra
• Stundvísi og áreiðanleiki
• Góð færni í íslensku
• Hreint sakavottorð (umsækjandi þarf að veita heimild til upplýsingaöflunar úr sakaskrá)

Ef ekki fæst leikskólakennari eða einstaklingur með aðra háskólamenntun sem nýtist í starfi, verða aðrar umsóknir teknar til skoðunar.

Launakjör:
Laun eru samkvæmt kjarasamningum Samninganefndar sveitarfélaga (SNS) og Félags leikskólakennara (FL).

Umsóknarfrestur:
Umsóknir þurfa að berast í síðasta lagi 29. janúar 2025.

Upphaf starfs:
Störf hefjast 1. febrúar 2025, eða eftir nánara samkomulagi.

Nánari upplýsingar og umsóknir:

Allar frekari upplýsingar veitir Kristín María Hlökk Karlsdóttir, leikskólastjóri, í síma 847-4011 eða á netfangið kristinm@fjallaskolar.is.

Upplýsingar um skólann og starfsemina má einnig finna á heimasíðu leikskólans:
http://leikskolifjallabyggdar.leikskolinn.is

Kynntu þér einnig samfélagið okkar á vefsíðu Fjallabyggðar:
https://www.fjallabyggd.is

Fjallabyggð fagnar þér!
https://www.fagnar.is