Laus er staða leikskólastjóra í leikskólanum Leikskálum á Siglufirði

Leikskólinn Leikskálar er þriggja deilda leikskóli þar sem lögð er áhersla á sterka sjálfsmynd nemenda, félagslega hæfni og trú á eigin getu. Verið er að vinna  þróunarverkefnið; ,,Stærðfræði í leik og starfi leikskólans" í samvinnu við leikskóla í Ólafsfirði og á Dalvík. Leikskálar er leikskóli á grænni grein og stefnt er að því að fá Græn -fánann fljótlega.

 

Menntunar- og færnikröfur:
Leikskólakennaramenntun áskilin
Hæfni og reynsla í stjórnun æskileg
Sjálfstæð vinnubrögð
Færni í mannlegum samskiptum
Skipulagshæfileikar, frumkvæði, áhugi og metnaður í starfi

 

Staðan er laus 1. janúar 2008.

Frekari upplýsingar er hægt að nálgast á heimasíðu leikskólans; leikskolinn.is/leikskalar, hjá leikskólastjóra Særúnu Þorláksdóttur í síma 464 9145 eða Karítas Skarphéðinsdóttur Neff fræðslu- og menningarfulltrúa Fjallabyggðar í síma 464 9202. 

Umsóknum fylgi yfirlit um nám og störf. Umsóknir skulu berast til Karítasar Skarphéðinsdóttur Neff fræðslu- og menningarfulltrúa á skrifstofu Fjallabyggðar Ólafsvegi 4 625 Ólafsfirði.

Umsóknarfrestur er til 16. nóvember 2007.

Sveitarfélagið Fjallabyggð er nyrst á Tröllaskaga og varð til við sameiningu Ólafsfjarðar og Siglufjarðar árið 2006. Þar búa um 2.400 manns. Bæirnir tveir eru afar fjölskylduvænir og þaðan er stutt í góða útivistarmöguleika jafnt að sumri sem vetri. Fjölbreytt þjónusta er í bæjunum og mannlíf gott og líflegt.