Stýrihópur sem
menntamálaráðherra skipaði á þessu ári til undirbúnings stofnunar framhaldsskóla
við utanverðan Eyjafjörð stendur nú fyrir könnun meðal almennings, fyrirtækja og
grunnskólanemenda í 9. og 10. bekk í Dalvíkurbyggð og Fjallabyggð. Í könnuninni
verður leitast við að fá fram upplýsingar um viðhorf, áhuga og þarfir íbúa og
fyrirtækja á svæðinu fyrir framhaldsskólamenntun.
Könnunin er unnin er af
Capacent Gallup og fer fram í síma meðal almennings og fyrirtækja en verður lögð
fyrir nemendur í skólunum.
Þegar hefur verið tekin
ákvörðun um að höfuðstöðvar skólans verði í Ólafsfirði en að einnig verði boðið
upp á sérhæft nám á Dalvík. Sérstaklega verður athugað hvernig nýta megi
upplýsingatækni og fjarkennslu til að auka aðgengi íbúa að menntun. Áætlað er að skólinn taki til starfa haustið
2009.