Í tilefni sumars

Nú þegar sumarið er á næsta leiti vill tæknideild Fjallabyggðar minna vegfarendur á að eftirfarandi götur á Siglufirði eru vistgötur:

Aðalgata frá Túngötu að Grundargötu.

Lækjargata frá Gránugötu að Aðalagötu.

Bátadokk, framhjá Hannes Boy Café og Kaffi Rauðku sem er jafnframt einstefnugata til austurs.

Í umferðarlögunum segir um vistgötur að þar sé heimilt að dvelja og vera að leik. Þar ber að aka mjög hægt, að jafnaði eigi hraðar en 15 km/klst. Ef gangandi vegfarandi er nærri má eigi aka hraðar en á venjulegum gönguhraða. Ökumaður skal sýna gangandi vegfaranda sérstaka tillitssemi og víkja fyrir honum. Gangandi vegfarandi má eigi hindra för ökutækis að óþörfu.

Tæknideild Fjallabyggðar