Af gefnu tilefni vilja
verktakafyrirtækin Háfell og Metrostav koma því á framfæri að Héðinsfjarðargöng
eru lokað vinnusvæði og umferð óviðkomandi um þau er stranglega bönnuð á öllum
tímum og verður svo út framkvæmdartímann.
Héðinsfjarðargöng eru enn í fullri vinnslu og eru þungavinnuvélar og
önnur stórvirk og sérhæfð tæki enn að störfum við verkið. Verkinu lýkur ekki
fyrr en haustið 2010 og er öll óviðkomandi umferð á vinnusvæðinu stranglega
bönnuð á verktímanum. Verktaki vill taka það skýrt fram að mjög varasamt getur
verið fyrir óviðkomandi að fara inn í göngin þar sem enn á eftir að vinna við
vegagerð, fráveituskurði, lokaklæðningar og frágangi á vatnsaga. Beinlínis lífshættulegt
getur verið að ferðast um göngin án eftirlits.